१८ फाल्गुन २०७७, मंगलवार

यसकारण गरिँदैछ अनेरास्ववियूको पुनर्गठन

  प्रकाशित मिति
२३ फाल्गुन २०७४, बुधबार ०९:५५


एमालेनिकट विद्यार्थी संगठन अनेरास्ववियूको पुनर्गठन गरिने भएको छ । अनेरास्ववियूकी अध्यक्ष नवीना लामा प्रतिनिधिसभा सदस्यमा निर्वाचित भएकोले संगठनको पुनर्गठन गर्ने अवस्था आएको हो । लामा एमालेको समानुपातिकतर्फबाट निर्वाचित भएकी हुन्। एकै व्यक्ति दुई पदमा बस्ने नहुने पार्टीको नियमअनुसार उनी अनेरास्ववियूको नेतृत्व छाड्ने तयारीमा छिन् ।

नेकपा (माओवादी केन्द्र)सँग नेकपा (एमाले)को पार्टी एकता हुन लागेकाले आफ्ना भ्रातृ संगठनको महाधिवेशन एमालेले रोकेपछि लामाले केन्द्रीय कमिटी बैठकबाट नेतृत्व हस्तान्तरण गर्न लागेको अनेरास्ववियूका उपाध्यक्ष महेश बर्तौलालाई उद्धृत गर्दै राससले जनाएको छ ।

‘अध्यक्ष लामाको कार्यकाल सकिएको छ र प्रतिनिधिसभाको सदस्यमा समेत निर्वाचित हुनुभएको छ’ उपाध्यक्ष बर्तौलाले भने, ‘केही दिनअघि अखिलको स्थायी कमिटी बैठकमा समेत उहाँले आफू प्रतिनिधिसभाको सदस्यको भइसकेको अवस्थामा नेतृत्व हस्तान्तरण गर्न कुरा बताउनुभएको थियो ।’

अनेरास्ववियू र अनेरास्ववियू (क्रान्तिकारी)बीच तत्काल एकता पनि सम्भव नहुने भएपछि संगठनलाई चलायमान बनाउन लामाले नेतृत्व छाड्न लागेकी हुन् ।

विसं २०७२ माघ २८ गते अनेरास्ववियूको २२औँ राष्ट्रिय महाधिवेशन भएको थियो । दुई वर्ष कार्यकाल रहेको केन्द्रीय कमिटीको समयावधि सकिएको छ । लामाले नेतृत्व छाडेपछि संगठनका उपाध्यक्ष बर्तौला र रश्मि आचार्य, महासचिव ऐन महर र सचिव सुदेश पराजुली नयाँ नेतृत्वको दौडमा रहेका छन् ।



प्रतिक्रिया दिनुहोस !
सम्बन्धित खबरहरु

सञ्चार तथा सूचना प्रविधिमन्त्री एवम् सरकारका प्रवक्ता पार्वत गुरुङले सरकारले नेत्रविक्रम चन्द (विप्लव) समूहसँग वार्ताको तयारी गरिरहेको बताउनुभएको छ ।

प्रधानमन्त्री केपी शर्मा ओलीले आफ्नो ज्यान खतरामा रहेको खुलासा गर्नुभएको छ । गण्डकी प्रदेश प्रशिक्षण प्रतिष्ठान भवनको आज पोखरा महानगरपालिका–३

नेपाल कम्युनिष्ट पार्टी (नेकपा)का संसदीय दलका नवनियुक्त मुख्य सचेतक विशाल भट्टराईले प्रधानमन्त्री एवं अध्यक्ष केपी शर्मा ओलीका पक्षमा अहिले पनि

सरकारले यही फागुन २३ गते प्रतिनिधिसभाको बैठक बोलाउन सिफारिश गर्ने निर्णय गरेको छ । प्रधानमन्त्री निवास बालुवाटारमा शुक्रबार साँझ बसेको