विश्वविख्यात वैज्ञानिक अल्बर्ट आइन्स्टाइद्वारा ‘सुखद जीवन’को बारेमा दुई लाइन सन्देश लेखिएको कागजी नोट करिब १६ करोड रुपैयाँ (१५ लाख डलरभन्दा बढी) मा बिक्री भएको छ । आइन्स्टाइनले उक्त नोट सन् १९२२ मा टोकियोमा एक हल्कारालाई ‘टिप’ दिएका थिए । भएको के थियो भने जापानमा लेक्चर दिनका लागि पुगेको समयमा आइन्स्टाइनलाई उनले नोबेल पुरस्कार पाएको खबर पुग्यो । उक्त सन्देश लिएर पुगेका हल्कारालाई के दिऊँ के दिऊँ भएपछि उनले एक कागजी नोटमा ‘जीवनमा लक्ष्य हासिल गरेपछि पनि खुसी मिल्न सक्छ, यसको कुनै ग्यारेन्टी छैन’ भन्ने वाक्य लेखेर दिए । उनले ती व्यक्तिलाई त्यतिबेलै भनेका थिए कि यो नोटको अहिले कुनै मूल्य नहोला, तर जोगाएर राख्नु भविष्यमा बहुमूल्य साबित हुन सक्छ । उक्त नोटमा यस्तो पनि लेखिएको छ कि सफलतासँगै हासिल हुने बेचैनीभन्दा शान्त एवम् विनम्र जीवनले तपाईंलाई ज्यादा खुसी दिन्छ । यस्तै, आइन्स्टाइनको सन्देशअङ्कित अर्को एउटा नोट पनि फेलापरेको छ जसमा ‘जहाँ इच्छा त्यहाँ उपाय’ लेखिएको छ । यी नोट पनि यरुसेलममा दुई लाख डलरमा लिलाम भएको छ । लिलाम गर्ने कम्पनीले सोचेभन्दा बढी रकम हात परेको प्रतिक्रिया दिएको छ भने आइन्स्टाइनको नोट खरिदकर्ताले आफ्नो पहिचान खुलस्त गर्न चाहेनन् । लिलामकर्ताचाहिँ सन् १९२२ मा आइन्स्टाइनसम्म नोबेल पुरस्कार प्राप्तिको सन्देश पु¥याउने व्यक्तिकै भतिजा भएको बताइएको छ ।
प्रतिक्रिया