भारतको बहुचर्चित हत्या प्रकरण आरुषी–हेमराजका हत्यारा भनिएका उनका आमा–बुवा भारतीय जेलबाट रिहा भएका छन् ।

आरुषीका आमा–बुवा क्रमस राजेश र नूपुर तलवार ४ वर्षपछि जेलबाट रिहा भएका हुन् । केहिदिन अघि भारतको इलाहवाद उच्चअदालतले तलवार दाम्पतीलाई सफाई दिएपछि उनीहरु रिहा भएका हुन् । सन २००८ को चर्चित हाइप्रोफाइल आरुषी हत्याकाण्डामा तिनजना नेपाली पनि मुछिएका थिए ।

उक्त घटनामा नेपाल अर्घाखाचीका हेमराज बंजाडेको हत्या भइसकेको छ भने त्यसै प्रकरणमा नेपालकै कृष्णा र राजकुमार पनि मुछिएका थिए । तर पछि कयौं किसिमको अनुसंधानपछि केहि महिनाको जेल बसाइसँगै कृणा र राजकुमार रिहा भइएका थिए ।

यसअघि उक्त हत्याकाण्डको मुख्य योजनाकार तलवार दाम्पतीलाई नै भनिएको थियो भने पछिल्लोपटक केहिदिन अघि इलाहवाद उच्च अदालतले उनीहरुलाई सफाई दिएपछि आरुषी–हेमराजको हत्यरा को त ? भन्ने प्रशन फेरी चर्चाको विषय बनेको छ ।

भिडियो सौजन्य : एबिपि न्यूज