उत्तरी क्षेत्रको वितरण केन्द्रकालागि ग्लोबल टेण्डरमार्फत आव्हान

राजधानीका प्रायःजसो सवै स्थानमा झुण्डिएको विद्युत लगायत अन्य प्रयोजनका तारहरुलाई व्यवस्थीत गर्न नेपाल विद्युत प्राधिरणले काम सुरु गरेको छ । प्राधिकरणले काठमाडौं उपत्यकामा वितरण प्रणालीलाई भुमिगत र अटोमेसन गर्ने गरि राजधानीको रत्नपार्क वितरण केन्द्रलाई भूमिगत लाइनबाट विद्युत वितरण र अटोमेसन गर्न अन्तर्राष्ट्रिय प्रतिस्पर्धा बोलपत्र (ग्लोबल टेण्डर) आब्हान गरेको छ ।

वितरण सञ्जाल क्षमता बढाउने, बिजुलीका तारलाई भुमिगत र वितरण प्रणालीलाई अटोमेशन गर्ने उल्लेख बोपत्रमै गरेको छ । असोज १९ गतेसमम्म बोलपत्र पेश गर्न सकिने प्राधिकरणले जनाएको छ । प्राधिकरणले पहिलो चरणमा उत्तरी क्षेत्र महाराजगञ्ज वितरण केन्द्रका लागि टेण्डरको आब्हान गरेको छ । पहिलो चरणको बोलपत्र पेश गर्ने अन्तिम मिति असोज ४ गते सम्मलाई तोकिएको छ ।

भूमिगत वितरण प्रणालीको खाका, समान आपूर्ति, जडान र सञ्चालन गर्नुपर्ने सवै प्रबधान सोही बोलपत्रमा उल्लेख गरिएको छ । पहिलो चरणमा महाराजगञ्ज र रत्नपार्क वितरण केन्द्रका मुख्य सडकमा ११ केभी र ४ सय भोल्टका प्रणालीलाई भुमिगत र अटोमेसन गरिने भएको छ । वितरण प्रणालीलाई भुमिगत गर्नुका साथै अप्टिकल फाइबर बिच्छाउने र बिजुली वितरणको तथ्याङक राख्न बेग्लै केन्द्र, दुई वितरण केन्द्रमा ९० हजार थान आधुनिक (स्र्माट मिटर) जडान गरिने योजना समेत रहेको प्राधिकरणले जनाएको छ ।

२ वटा वितरण केन्द्रका अतिरित्त काठमाडौ उपत्यकाका ९ वटै वितरण केन्द्रमा भूमिगत गर्ने र दोस्रो चरणमा अन्य महानगरपालिका र उपमहानगरपालिकामा भूमिगत लाइनलाई आधुनिकीकरण र स्मार्ट मिटर जडान गर्ने योजना रहेको छ ।  एसियाली विकास बैंक (एडीबी) को ऋण सहयोगमा विद्युत प्रसारण तथा वितरण क्षमता अभिवृद्धि योजनामार्फत भुमिगत गर्न लागिएको हो । एडीबीले १५ अर्ब रुपैयाँ बढी ९ सय १५ करोड अमेरिकी डलर ऋण दिने सहमति भएको प्राधिकरणले जनाएको छ । २ वर्षभित्र सो योजना सम्पन्न गर्ने कार्यसिमा रहेको छ ।