आक्र्स गु्रप प्रालिले चीनको हिगर बस कम्पनी लिमिटेडद्वारा निर्मित २७ सिट क्षमताको हिगर मीनी बसको बिक्री वितरण सुरु गरेको छ । परराष्ट्रमन्त्री कृष्णबहादुर महराले सो बसको एक कार्याक्रमका बिच शुभारम्भ गरेका छन् ।
आक्र्स गु्रप प्रालिका प्रमुख कार्यकारी अधिकृत रजुल श्रेष्ठले आयात गरिएको हाइगर मिनि बस तथा उत्पादक कम्पनीबारे जानकारी दिएका थिएका छन् । मीनीबसमा एसी हिटर, वाइफाइ, रेफ्रिजेरेटर, टिभी साइडलगेजलगायत सुबिधा रहेको दाबी कम्पनीको रहेको छ ।
विशेष गरी हिगर बसहरु सुबिधायुक्त भएकोले लामो दुरी, अफिस, स्कुल तथा पर्यटन उद्योगमा रुचाइएको कम्पनीले जानकारी दिएको छ । नाटाका अध्यक्ष मधु आचार्यले पर्यटकहरुका लागि सुबिधायुक्त अत्याधुनिक बसहरु आवश्यक रहेको अवस्थामा हाइगर भित्रिएकोमा खुशि व्यक्त गरेका छन् । सन् १९९८ मा चीनमा स्थपना भएको हिगर बस कम्पनी लिमिटेडले बार्षिक ३५ हजार भन्दा बढी बसहरु उत्पादन गर्दै आएको छ ।
प्रतिक्रिया