आव २०७४/७५ को मौद्रिक नीति सार्वजनिक

आव २०७४/७५ को मौद्रिक नीति सार्वजनिक


मुलुकको केन्द्रिय बैंक नेपाल राष्ट्र बैंकले मौद्रिक नीति सार्वजनिक गरेको छ । मुलुकको आर्थिक वृद्धिदर उत्साहप्रद रहेको, शोधनान्तर स्थिति सन्तोषजनक रहेको तथा वित्तीय असन्तुलन क्रमशः घट्दै गएको र अर्थतन्त्रमा सकारात्मक परिवर्तन भइरहेको राष्ट्र बैंकले जनाएको छ ।

आइतबार आव २०७४÷७५ को मौद्रिक नीति सार्वजनिक गर्दै केन्द्रीय बैंकले सरकारले निर्धारण गरेको आगामी आवको ७.२ प्रतिशतको आर्थिक वृद्धि हासिल गर्न मौद्रिक उपकरण प्रयोग गरी प्राथमिकताका आयोजनामा लगानी गरिने जनाएको छ । कृषि, पर्यटन, ऊर्जा, घरेलु, साना तथा मझौला उद्योगमा प्राथमिकताका साथै कर्जा प्रवाह गर्ने तरलता व्यवस्थापनलाई मौद्रिक नीतिले उच्च प्राथमिकता दिएको गभर्नर चिरञ्जीवी नेपालले जानकारी दिएका छन् ।