वीरगञ्जज उपमहानगरपालिकाले नेपाली राष्ट्रिय क्रिकेट टिमका दुई खेलाडीलाई मोटरसाइकल दिने घोषणा गरेको छ ।

आइसीसी क्रिकेट विश्वकप लिग-२ मा देशको शिर उच्च तुल्याएको भन्दै वीरगञ्जका क्रिकेटर आसीफ शेष र आरीफ शेषलाई उपमहानगरपालिकाले मोटरसाइकल दिने मेयर राजेशमान सिंहले घोषणा गरेका हुन् । वीरगञ्जजनिवासी उनीहरू सहोदर दाजुभाइ हुन् ।

विश्व मानचित्रमा नेपालको नाम जाज्वल्य पार्ने खेलमा वीरगन्जका खेलाडीहरू ओपनिङ ब्याट्सम्यान आसिफ शेष र अलराउण्डर आरिफ शेषले निर्वाह गरेको भूमिकाको प्रशंसा गर्दै मेयर सिंहले दुवैलाई पुरस्कारस्वरुप मोटरसाइकल प्रदान गर्ने उनले जनाएका छन् ।

उपमहानगरपालिकाले नेपाललाई ग्लोबल क्वालिफायरमा पुर्‍याइ राष्ट्रको शिर उच्च बनाउने नेपाली क्रिकेट टोलीलाई पनि बधाई तथा शुभकामना व्यक्त गरेको छ ।