जापानमा ज्यान गुमाएका छात्रको परिवारलाई आर्थिक सहयोग

जापानमा ज्यान गुमाएका छात्रको परिवारलाई आर्थिक सहयोग


विगत लामो समयदेखि समाज सेवा गर्दै आएको राप्ती समाज जापानको पहलमा जापानको ओकीनावानामा ज्यान गुमाएका सन्देश आचार्यको परिवारलाई आर्थिक सहयोग गरिएको छ ।

केहिसमय पहिला विद्यार्थी भिसामा जापानको ओकीनावामा जापानिज भाषा पढ़दै गरेका दाङको भालुबाङ स्थायी घर भएका आचार्यको हृदयघातका कारण २१ वर्षको उमेरमा नै मृत्यू भएको थियो।

छोटो समयका लागि आर्थिक अभियान शुरु गरि पाँच लाख तीन हजार दश जापानी येन मृतकको परिवारलाई सहयोग गरिएको हो।

यस आर्थिक अभियानमा साथ दिएर सहयोग गर्नु हुने सम्पूर्ण सहयोगी दाताहरुलाई राप्ती समाज जापानका अध्यक्ष मनराज विश्वकर्माले धन्यवाद ज्ञापन गर्दै आगामी दिनमा पनि हरेक सामाजिक क्रियाकलापमा सम्पूर्ण शुभचिन्तकहरुको साथ र सहयोग रहने विश्वास ब्यक्त गरेका छन् ।