पूर्व प्रधानमन्त्रीका भाइले किन गरे आत्महत्या !?

पूर्व प्रधानमन्त्री माधवकुमार नेपालका कान्छा भाइ सरोज कुमार उपाध्यायले गत साता आत्महत्या गरेपछि त्यसको कारणबारे धेरैले चासो राखेका छन् । उपाध्यायले शङ्खमुलस्थित एक क्याफेको माथिल्लो तलाबाट फाल हानेर आत्महत्या गरेका थिए ।

सरोजकुमार पेशाले इन्जिनियर थिए र, राजनीतिभन्दा ब्यापार व्यवशायमा उनको ज्यादा रुचि थियो । तथापि माधवकुमार नेपालका भाइ भएकै कारण उनलाई एकीकृत समाजवादी पार्टीको केन्द्रीय सदस्य बनाइएको थियो । तर, सरोज राजनीति भन्दा ब्यापार ब्यवसायमै रमाउने गर्दथे । केही हाइड्रोपावर परियोजनामा उनको लगानी रहेको र, तीमध्ये दोलखास्थित योजनाले पूर्णता पाइसकेको बताइन्छ ।

सरोजको बसोबास आफ्ना ठूलादाज्यू माधवकुमार नेपालको घरसँगै थियो । उनका दुई छोरीहरू अमेरिकामा छन् भने पत्नी ओशो सन्यासी हुन् । सरोजले लामो समयदेखि एक्लोपनको महसूस गर्दै आएको उनका निकटस्थहरूले घटना र विचारलाई जानकारी दिएका छन् ।

केही समयदेखि सरोज गहिरो डिप्रेसनमा रहेका भएपनि उनले आफ्ना पीडा लुकाउने प्रयास गर्दै आएका थिए । उनले डिप्रेसनको औषधि सेवन गर्ने गरे/नगरेको बारे केही बताइएको छैन । तर, एक्लोपन र आर्थिक चापले सताइएका सरोजले डिप्रेसनकै अवस्थामा छ तला माथिबाट फाल हानेर आत्महत्या गरेको निकटवर्तीहरूको भनाइ छ ।