२३ मंसिर २०७९, शुक्रबार

चार दिनपछि आज सेयर बजार खुल्दै

  प्रकाशित मिति
६ मंसिर २०७९, मंगलबार ०२:३८


निर्वाचन परिणामपछि कस्तो सरकार बन्छ, त्यसले सेयर बजारको दिशा निर्धारण गर्नेछ

प्रतिनिधिसभा तथा प्रदेशसभा सदस्य निर्वाचनका कारण चार दिनदेखि बन्द रहेको सेयर आज मंगलबार खुल्ने भएको छ । चुनावी परिणाम आउँदै गर्दा खुल्ने सेयर बजारले दिने परिणामसँगै सेयर बजारको प्रवृत्तिबारे सर्वसाधारणको चासो छ ।

निर्वाचनअघि सेयर बजार नेप्से परिसुचकमा बढ्दो प्रवृत्ति देखिएको थियो । चुनावपछि पनि त्यहीँ प्रवृत्तिले निरन्तरता पाउने आधार बलिया देखिन्छन् ।

विश्वबजारमै एउटा भाष्य छ, वामपन्थी नेतृत्व सेयर बजार प्रति उदार हुँदैनन् । नेपालमा पनि विगतमा सेयर बजारले त्यस्तै प्रवृत्ति देखाउँदै आइरहेको छ । ०७४ को प्रतिनिधि र प्रदेशसभा निर्वाचनपछिको सेयर बजारमा नेप्से घट्ने प्रवृत्ति देखिएको थियो । तत्कालीन समयमा वामपन्थी दलहरुको सरकार बन्ने देखिएपछि लगानीकर्ताको मनोबल कमजोर भइ नेप्से खस्किएको टिप्पणी गरिएको थियो ।

तर, यसपालिको मतपरिणाम भने फरक देखिने आँकलन भइरहँदा सेयर बजारले कस्तो प्रतिक्रिया देखाउला भने आमचासोको विषय बनेको छ । प्रारम्भिक मतपरिणामलाई आधार लिने हो भने स‌‌ंसदमा कुनै पनि दलको बहुमत नपुग्ने र सरकार अस्थिर रहने सम्भावना रहेको विश्लेषकको आकलन छ । जुन सेयर बजारका लागि निकै नकारात्मक पक्ष हो । अस्थिर सरकार रहँदा आर्थिक गतिविधिले भन्दा राजनीतिक सक्रमण बढ्ने जोखिमका कारण बजार बढ्दै जानेमा लगानीकर्ता सशंकित छन् ।

तर, निर्वाचनपछि बजारमा पैसाको आपुर्ति बढ्ने र तरलता सहज बन्दै गएमा बैकको ब्याजदर घट्ने हुँदा यसले अल्पकालीन रुपमा सेयर बजारलाई बढाउन सघाउ पुर्‍याउने आँकलन गरिएको छ ।

त्यसबाहेक अहिले कर्जाको ब्याजदर बढेर उद्योगव्यवसायमा मन्दी आइरहेको समयमा नेपाल राष्ट्र बैकले मौद्रिक नीतिको त्रैमासिक समीक्षामार्फत निजी क्षेत्रका माग सम्बोधन गर्न कस्तो नीति लिन्छ भनेर लगानीकर्ता केही समयका लागि पर्ख र हेरको स्थितिमा बस्ने पनि आँकलन गरिएको छ ।

सेयर बजार गत बिहीबार २५.५७ अंकले बढेर १९३६.८३ बिन्दुमा बन्द भएको थियो । त्यसयता आज सेयर बजारको पहिलो कारोबार हुन लागेको हो ।


18
Shares

प्रतिक्रिया दिनुहोस !
सम्बन्धित खबरहरु

नेपाल निजामती कर्मचारी संगठनले एमालेले सरकार नबनाए मुलुकमा थप अस्थिरता निम्तिने चेतावनी दिएको छ । संघीय संसदमा दोस्रो ठूलो दल

बुध्द एयरले पोखरा क्षेत्रीय अन्तर्राष्ट्रिय विमानस्थलबाट हुने पहिलो अन्तर्राष्ट्रिय उडानको तयारी गरिरहेको छ । बुध्द एयरले आगामी पुस १७ देखि

समानुपातिक सांसद चयन गर्न कांग्रेस, एमाले र जसपाले शनिबार बैठक बोलाएका छन् । कांग्रेसले केन्द्रीय कार्यसम्पादन समिति, एमालेको केन्द्रीय सचिवालय

नेपाल स्काउट र खड्का डेलभपमेन्टबीचको विवाद फेरि बल्झिएको छ । यसअघि पटकपटक स्काउटको स्वामित्वमा रहेको तथा हाल भाडामा खड्का डेभलपमेन्टले