२७ श्रावण २०७९, शुक्रबार

‘प्रेम गीत-३’ले फहरायो सफलताको ध्वजा !

  प्रकाशित मिति
१७ श्रावण २०७९, मंगलबार ०४:२०


  • राजन घिमिरे, सिड्नी (अष्ट्रेलिया)

गरे के हुन्न ? चाहिन्छ त केवल त्यो विधा वा क्षेत्रप्रतिको लगाव, निरन्तरता अनि इमान्दारिता । मनदेखि लागियो भने आफ्नो उद्देश्यमा पुग्न सकिन्छ भन्ने गतिलो उदाहरण पेश गरेका छन् चलचित्र ‘प्रेम गीत-३’ का निर्माता सन्तोष सेनले ।

नेपाली चलचित्रलाई विश्वमाझ पुऱ्याउने सन्तोषको निरन्तरको जिकिरलाई ‘हावा गफ’ ठानेर उनको मनोबल गिराउनेहरू अहिले उनको प्रशंसा गरेर थाकेका छैनन् । जसरी भारतीय चलचित्रहरू विश्वभर एकसाथ रिलिज हुन्छ, नेपाली चलचित्रको ढोका पनि म त्यसैगरी खोल्छु भनेर लागि परेका सन्तोषलाई अहिले अरुले इर्ष्या गर्नुपर्ने कोटीको सफलता हात लागेको छ ।

एउटा नेपाली चलचित्रले विश्वकै दोस्रो ठूलो चलचित्र उद्योग मानिएको भारतीय चलचित्र उद्योगमा समानान्तर उपस्थिति जनाउनु भारतीय वितरकले एक साथ विश्वभरी रिलिज गर्न कटिवद्धता जनाउँदै प्रचारप्रसार गर्नुले अब प्रेम गीत-३ का कारण नेपाली चलचित्रले विश्व चलचित्र बजारमा शान र मानका साथ झण्डा फहरायो भन्दा फरक अतिरञ्जना नठहरिएला ।

प्रेम गीत-३ को प्रचारप्रसार यतिबेला भारतमा धमाकापूर्ण रूपले भइहेको छ भने योसँगै अमेरिका, यूरोप र अष्ट्रेलियाका हलहरूमा पनि रेगुलर शो हुने भएको छ । यो चलचित्र सेप्टेम्बर २३ देखी विश्वभर एकसाथ प्रदर्शनमा आउने भएको छ । यतिबेला विश्व चलचित्रको असी प्रतिशत भन्दा बढी बजार हिन्दीभाषाको चलचित्रले ओगटेको समयमा त्यो भाषामा प्रेम गीत-३ ले विश्वमाझ आफ्नो शानदार उपस्थिति जनाएको दिन समग्र नेपाली चलचित्र उद्योगको लागि ऐतिहासिक दिन हो भन्दा फरक नपर्ला ।

भारतलगायत अन्य मूलुकका हलहरूले पनि यो चलचित्रको प्रचार शुरू गरिसकेका छन् भने चर्चित भारतीय चलचित्र समीक्षक तरुण आदर्शले यो चलचित्रको बारेमा खुलेर गरेको प्रशंसा र वाहवाहीले पनि यति बेला एक प्रकारको भुइँचालो नै ल्याएको छ । आदर्श भारतीय चलचित्र बजारका यस्ता समीक्षक हुन् जसले समीक्षा गरेको चलचित्र आजसम्म फेल खाएको छैन ।

सन्तोषले चलचित्र प्रेम गीत-३ मार्फत नेपाली सिनेमाको बजार बिस्तार मात्र गरेका छैनन्, उनले नेपालबाट पनि यतिसम्मको चलचित्र बन्न सक्छ भन्ने मानक पनि स्थापित गरिदिएका छन् । नेपाली चलचित्रको नाममा प्रेम गीत-३ ले मारेको यो छलाङ, देखाएको यो शान, विश्वमाझ जनाएको उपस्थिति र गर्जनप्रति समग्र नेपाली चलचित्र क्षेत्रले गौरव गर्नैपर्छ ।


9.981k
Shares

प्रतिक्रिया दिनुहोस !
सम्बन्धित खबरहरु

खाडी मुलुक साउदीअरबमा अवैधानिक रुपमा बसेका ९३ जना नेपालीले बहिर्गमन (एक्जिट) भिसा पाएका छन् । रियादस्थित नेपाली दूतावासका अनुसार ५

प्रधनमन्त्री शेरबहादुर देउवाले श्रावण शुक्ल पूर्णिमाको दिन हिन्दू धर्मावलम्बीहरुको महान पर्व रक्षाबन्धन, जनैपूर्णिमा (ऋषितर्पणी) एवं नेवारी समुदायमा मनाइने गाईजात्राको अवसरमा

चिया व्यवसायीले चियासँग सम्बन्धित समस्याको दीर्घकालीन समाधान गर्न सरकारलाई आग्रह गरेका छन् । व्यवसायीले काठमाडौंमा पत्रकार सम्मेलन गरी इलाममा उत्पादन

झापाको शिवसताक्षी नगरपालिका-९ स्थित कन्काई नहरमा पौडी खेल्न गएका दुई बालबालिकाको बिहीबार डुबेर मृत्यु भएको छ । शिवसताक्षी-९ आइतबारेकी ११