२७ श्रावण २०७९, शुक्रबार

असारे अमर फूल

  प्रकाशित मिति
१५ असार २०७९, बुधबार ०९:१२


  • रामेश्वर राउत मातृदास

खेतको रोपो मनको धोको जीवनको जुहार
पसिना झुल्छन् धानका बाला मंसिरको मुहार
खोलाको पानी आँखाका नानी बाउसे, रोपार
ब्याडे र बाउसे खेताला खेतका सहकाल ओसार
। । १ । ।
मनको हाँसो यो जीवन नासो मनका पालुवा
हाँसखेल गरी सिर्जना चुमौँ नहुँदै बालुवा
असारे बेठी मेघलाई भेटी छहरा छुटेका
जवानी जुहार तङ्ग्रिए लहर निर्झर उठेका
। । २ । ।
सपनाजस्तो यो जिन्दगानी फूलमा झुलेका
को आयो ञहाँ विपना बोकी जूनतारा खुलेका
घामका डोली सुनका झोली फाँटमा डोलाई
लिंडुल्को लम्के हली र गोरु इन्द्रेणी बोलाई
। । ३ । ।
स्युपुरी सिउरी घट्टे र सिन्धु खोलाले नाचेका
शिवाङ्गी–धौलेश्वरीले अमर पिरती गाँसेका
सभ्यता हाम्रो सृष्टिमा राम्रो असारे धान रोपो
निराश कहिल्यै हुँदैनन् हाम्रा जुनेली मनधोको
। । ४ । ।
जून र घाम यै धरती धाम सृष्टिको शिरमा
बाँसुरी बज्छन् कृष्णको ओठ त्रिशूली तीरमा
असारे मूलले भकारी भर्छन् नेपाली हाम्रो कुल
रचना उन्नत ईशले सारे असारे अमर फूल ।

  • रारामा


9
Shares

प्रतिक्रिया दिनुहोस !
सम्बन्धित खबरहरु

प्रकाश पाक्साँवा, तेह्रथुम जनैपूर्णिमा तेह्रथुमको छथर गाउँपालिकाका धामीझाँक्रीहरूको लागि महान् पर्व हो । उनीहरू नाग पञ्चमीदेखि धामी घरघरमा थान लगाएर

ट्रिटन इन्टरनेसनल कलेजले टी–१० क्रिकेट प्रतियोगिताको उपाधि जितेको छ । ट्रिटनले फाइनलमा मणिमुकुन्दलाई १ विकेटले पराजित गर्‍यो । पहिले ब्याटिङ

सुरेशचन्द्र रिजाल (ज्योतिष तथा वास्तुविद्) यस वर्ष साउन २७ गते शुक्रबार जनैपूर्णिमा तथा गाईजात्रा पर्व एकसाथ मनाइँदै छ । शास्त्रीय

खाडी मुलुक साउदीअरबमा अवैधानिक रुपमा बसेका ९३ जना नेपालीले बहिर्गमन (एक्जिट) भिसा पाएका छन् । रियादस्थित नेपाली दूतावासका अनुसार ५