१५ असार २०७९, बुधबार

विवादास्पद इम्बोस्ड नम्बर प्लेट खारेजीको माग गर्दा प्रहरी धरपकड

  प्रकाशित मिति
१० असार २०७९, शुक्रबार ०७:१९


विवादास्पद एवम् राष्ट्रघाती इम्बोस्ड नम्बर प्लेट खारेजीको माग गर्दै विरोध प्रदर्शनमा उत्रिएको एकीकृत शक्ति नेपालका नेता-कार्यकर्तामाथि प्रहरीले धरपकड गरेको छ ।

इम्बोस्ड नम्बर प्लेट खारेजीको मागप्रति ध्यानाकर्षण गराउन सो पार्टीले आज (१० असार) बिहान १० बजे १० मिनेटको लागि सवारी साधनको स्टार्ट बन्द गरेर सरकारलाई दबाब दिने कार्यक्रम आयोजना गरेको थियो ।

सो क्रममा काठमाडौंको भद्रकालीबाट एकीकृत शक्ति नेपालका अध्यक्ष देवप्रकाश त्रिपाठीका साथ नेताहरू जुलुमरत्न डङ्गोल, सुवास पाण्डे, वासुदेवचन्द्र मल्ल, झङ्क रिजाल, दीपकसिंह महर्जनलगायतलाई प्रहरीले धरपकड गरी नियन्त्रणमा लिएको छ ।

ज्ञातव्य छ, नेपाली गाडी (सवारी साधन)मा इम्बोस्ड नम्बर प्लेट जडान गराउने नेपाल सरकारको बाध्यकारी निर्णयप्रति एकीकृत शक्ति नेपालले गम्भीर आपत्ति तथा असहमतिका साथ सो निर्णय खारेज गर्नुपर्ने माग गर्दै आएको छ ।

इम्बोस्ड नम्बरमा देवनागरि लिपि प्रयोग गरिनुपर्ने, आफ्नै प्रविधिको विकास गरी इम्बोस्ड नम्बरको अनुगमन र नियन्त्रण नेपाल सरकारको निहित रहनुपर्ने, हाल निर्धारित जडान शुल्कमा ९० प्रतिशत छुट गरिनुपर्ने लगायतका माग पनि सो पार्टीले अघिसारेको छ ।

भ्रष्टाचार गरी अथाह सम्पत्ति आर्जन गर्ने र नेपाली भाषालाई सङ्कुचित तुल्याउँदै लैजाने राष्ट्रविरोधि नियतबाट भएको उक्त निर्णय खारेज नगरेसम्म विविध स्वरुपको विरोध तथा आन्दोलन जारी रहने सो पार्टीले जनाएको छ ।


1.386k
Shares

प्रतिक्रिया दिनुहोस !
सम्बन्धित खबरहरु

पिर्केसलामी ग्रहणदेखि विवादास्पद विभिन्न सन्दर्भले उनको गरिमा लगातार गिर्दो अवस्थामै थियो । त्यसमाथि मन्त्री पद टिकाउन गरेका अशोभनीय क्रियाकलाप तथा

डाँडाकाँडाको जमिन र कुनाकाप्चाको २-४ आना जग्गा-घर देखाओटी रूपमा दान दिइएको होला तर ठूलाठूला भ्रष्टाचारबाट प्राप्त नगदी गोप्य रूपमा राखिएको

तीन न्यायाधीश र दुई न्यायाधीशको फरक राय रासस सर्वोच्च अदालतले निजगढ अन्तर्राष्ट्रिय विमानस्थल निर्माणको विवादमा बुधबार राय बाझिएको पूर्णपाठ सार्वजनिक

सांसदद्वय विमला बिक र विमला विश्वकर्माले श्रीमान् १० वर्षसम्म निरन्तर सम्पर्कविहीन वा वेपत्ता भए श्रीमतीलाई एकल भत्ता दिनुपर्ने प्रस्ताव गरेका