१५ असार २०७९, बुधबार

श्रेष्ठको एग्रिमो आउँदा सभामुख दुःखी !

  प्रकाशित मिति
८ असार २०७९, बुधबार ०२:५५


चीनका लागि प्रस्तावित नेपाली राजदूत विष्णुपुकार श्रेष्ठलाई बेइजिङबाट एग्रिमो प्राप्त भएको छ । श्रेष्ठको एग्रिमो आएसँगै सभामुख अग्नि सापकोटा र उनका छोरा दुःखी बनेको बुझिएको छ ।

सापकोटा आफ्ना छोरालाई चीनको राजदूत नियुक्त गर्न चाहन्थे, तर छोराको नभएर विष्णुपुकार श्रेष्ठको नाम प्रस्तावित भएपछि दुःखी बनेका उनले बेइजिङस्थित आफ्नो सम्पर्क-सूत्रलाई एक लामो पत्र लेखि एग्रिमो रोक्न प्रयास गरेका थिए । विष्णुपुकार श्रेष्ठ पश्चिमा मुलुकबाट सञ्चालित भएकोले उनलाई चीनले स्वीकार गर्न उपयुक्त नहुने ब्यहोरा सापकोटाले पत्रमा लेखेका थिए ।

लामो समयदेखि नेपालको वामपन्थी आन्दोलनमा क्रियाशील श्रेष्ठले आफूसम्वद्ध पार्टी माओवादीकै इच्छाअनुरुप केही काल मानवाधिकारसम्बन्धी संस्था स्थापना गरेर काम गरेका थिए । सो संस्थाले पश्चिमी मुलुकबाट सहयोग लिएर काम गर्ने गरेकोले श्रेष्ठ पश्चिमाकै मानिस भएको दाबी सापकोटाले बेइजिङ पठाएको पत्रमा गरेका थिए ।

चीनका विश्वासप्राप्त मानिएका अग्नि सापकोटाले आफ्नो तर्फबाट त्यस किसिमको पत्र गइसकेपछि चीनले पत्याउने र, श्रेष्ठको एग्रिमो नआएपछि त्यस स्थानमा आफ्ना छोरालाई राजदूत बनाएर पठाउने सपना देखेका थिए । अपेक्षाप्रतिकुल चीनले श्रेष्ठको एग्रिमो पठाएकोले सभामुख सापकोटाका बाबु-छोरा अत्यन्तै दुःखी बनेको बुझिएको छ ।


2.664k
Shares

प्रतिक्रिया दिनुहोस !
सम्बन्धित खबरहरु

पिर्केसलामी ग्रहणदेखि विवादास्पद विभिन्न सन्दर्भले उनको गरिमा लगातार गिर्दो अवस्थामै थियो । त्यसमाथि मन्त्री पद टिकाउन गरेका अशोभनीय क्रियाकलाप तथा

डाँडाकाँडाको जमिन र कुनाकाप्चाको २-४ आना जग्गा-घर देखाओटी रूपमा दान दिइएको होला तर ठूलाठूला भ्रष्टाचारबाट प्राप्त नगदी गोप्य रूपमा राखिएको

तीन न्यायाधीश र दुई न्यायाधीशको फरक राय रासस सर्वोच्च अदालतले निजगढ अन्तर्राष्ट्रिय विमानस्थल निर्माणको विवादमा बुधबार राय बाझिएको पूर्णपाठ सार्वजनिक

सांसदद्वय विमला बिक र विमला विश्वकर्माले श्रीमान् १० वर्षसम्म निरन्तर सम्पर्कविहीन वा वेपत्ता भए श्रीमतीलाई एकल भत्ता दिनुपर्ने प्रस्ताव गरेका