१५ असार २०७९, बुधबार

‘जब एउटा मान्छे हराउँछ’ लिएर देखा परे कवि चन्द्र

  प्रकाशित मिति
३० जेष्ठ २०७९, सोमबार ००:४३


कवि चन्द्र गुरुङको दोस्रो कवितासंग्रह ‘जब एउटा मान्छे हराउँछ’ सार्वजनिक भएको छ । शिल्पी थिएटरमा कवि श्रवण मुकारुङ, बिन्दु शर्मा र राजकुमार बानियाँले कविता संग्रह सार्वजनिक गरेका हुन् ।

कार्यक्रममा बोल्दै समिक्षक बिन्दु शर्माले चन्द्र गुरुङका कविता सरल भइकन पनि गहिरो भाव व्यक्त गर्न सफल रहेको बताइन् । ‘गुरुङका कविता सरल शब्दशैलीको भए पनि त्यसले दिने भाव गहिरो छ । उनका कविताले आफैंसँग संलाप गरिरहेजस्तो लाग्छ’, शर्माको धारणा छ ।

सो अवसरमा कवि गुरुङले कविता सृजनामा देखाएको निष्ठाको समीक्षक राजकुमार बानियाँले प्रशंसा गरे । ‘चन्द्र गुरुङ होहल्ला नगरिकन शालीन भाषामा विद्रोही कविता लेख्न सक्ने कवि हुन् । उनले कविताबाटै आफूलाई सम्पूर्ण रूपले पुष्टि गरेका छन्’, बानियाँले भने ।

अर्का वक्ता कवि श्रवण मुकारुङले दशकौँपछि पढ्दासमेत पुराना नलाग्ने कविता सृजना गर्न सक्नु नै चन्द्र गुरुङको विशेषता रहेको बताए । ‘सर्जकले आज सृजना गरेको रचना उसैले पछि पश्चाताप गर्नुपर्ने बन्नु हुँदैन । भोलिको समयलाई समेत सान्दर्भिक हुने रचना गर्न सक्नु नै लेखकीय सामथ्र्य हो’, मुकारुङको तर्क थियो ।

‘जब एउटा मान्छे हराउँछ’मा ५० थान कविता समेटिएका छन् । २ सय ४९ रुपैयाँ मूल्य रहेको संग्रह इन्डिगो इन्कले प्रकाशन गरेको हो । यसअघि गुरुङको ‘उसको मुटुभित्र देशको नक्सा नै थिएन’ नामक कवितासंग्रह प्रकाशित भएको थियो ।


81
Shares

प्रतिक्रिया दिनुहोस !
सम्बन्धित खबरहरु

रविन्द्र यादव, नवलपरासी पश्चिम मनसुन सक्रिय भइरहेकै अवस्थामा नवलपरासी पश्चिमको रामग्राम नगरपालिका वडा नं. ४ स्थित रामखण्ड खोलामा पानीको बहावलाई

नेपाली रेफ्रीद्वय प्रज्वल क्षेत्री र किसन कन्हैया यादवले भारतमा आयोजना हुने साफ यु-२० च्याम्पियनसिपमा निर्णायकको भूमिका निर्वाह गर्ने भएका छन्

रामेश्वर राउत मातृदास खेतको रोपो मनको धोको जीवनको जुहारपसिना झुल्छन् धानका बाला मंसिरको मुहारखोलाको पानी आँखाका नानी बाउसे, रोपारब्याडे र

राजन घिमिरे नेपाली सुगम गीत-संगीतकी चर्चित गायिका अन्जु पन्त अष्ट्रेलियाका विभिन्न शहरहरूमा गुन्जने भएकी छन् । विजडम नाइट नामक यो