३ माघ २०७८, सोमबार

‘जननी जन्मभूमिश्च’

  प्रकाशित मिति
२७ पुष २०७८, मंगलवार ११:४४


  • मातृका लामिछाने

गौरवशाली इतिहास हाम्रो गाथा वीरताको ।

शान्तिप्रिय सेना हाम्रो प्रतीक एकताको ।।

गरि संहार आतंकको गर सम्भार देशको ।

बचाइ संस्कृति गर रक्षा भाषा, भुषा र भेषको ।

दूरद्रष्टा, युगद्रष्टा तीक्ष्ण बुद्धि अनि चतुर ।

शैन्यकौशल, रणकौशलमा निपूर्णता प्रचुर ।।

थिए एक कमाण्डर राजा पृथ्वीनारायण

राष्ट्रप्रति इमानदार अनि कर्तब्यपरायण ।

सगौरव एकताको लगाउछौँ हामी नारा ।

गोरखा हुँदै कान्तिपुर, जुटाइ देश सारा ।।

राष्ट्रनिर्माण गरि मजबुत बन्यो देश हाम्रो ।

स्वतन्त्र र सधैं अटल संसारमै छ राम्रो ।।

तिलंगा भनि सुरु फौजी, नेपाली सेना बन्यो ।

विश्वका देशले पनि उत्कृष्ट सेना भन्यो ।।

तराई पहाड हिमाल अग्ला ती टाकुरामा ।

पुर्खाको वीरता बोकी हिंड्ने सधैं पाखुरामा ।।

आँधीबेहरी बाढी पहिरो हिँडी सँगसँगै ।

लड्दै कडा संकटबीच हाँसिरहने सधैं ।।

भीरपाखा पहरामा बाटो खन्दाखन्दै ।

कति भए सहादत जय मातृभूमि भन्दै ।।

अटल यो देशलाई छ तिम्रै आशा भरोषा ।

शान्ति अनि सुरक्षामा आउन नदेउ निराशा ।।

अन्धकारमा ज्योति बनि दुखको बन सारथी ।

चढाउँदछु सधै तिमीलाई सम्मान गारती ।।

जोगाइ सार्वभौमिकता, बचाऊ राष्ट्रियता ।

बनाइ मूल मन्त्र शान्ति, सुरक्षा अनि एकता ।।

डमरु अनि त्रिशुल बोकी रच्यौ इतिहास पनि ।

देखाइ माटोको माया जितेर आयौ जंग अनि ।।

टिस्टा अनि काँगडा लड्यौ नालापानीमा ।

अब देखाउनुछ साहस एकफेर कालापानीमा ।।

विकास निर्माण गर्न बनायौ पूल पुलेसा र बाटो ।

मेची काली जोगाऊ सधैं अनि यो देशको माटो ।

कालु पाण्डे, भक्ति अनि अमरसिंह थापा ।

बहादुर शाहले बनाएको वीरताको गाथा ।।

चन्द्र-सूर्य अंकित झण्डा छ जंगी निशान ।

फहराइ विजयको किल्लामा गाउँ राष्ट्रगान ।।

जपेर सधैं मूलमन्त्र सेवाभाव र देशभक्तिको ।

सलाम छ सधैं तिम्रो स्वाभिमान र अटुट शक्तिको ।।

राष्ट्रनिर्माता पृथ्वीनारायणको गरौँ सधैं आरती ।

जननी जन्मभूमिश्च स्वार्गादपी गरियसी ।।



प्रतिक्रिया दिनुहोस !
सम्बन्धित खबरहरु

भारतीय कत्थक सम्राट पण्डित बिर्जु महाराजको हृदयाघातका कारण निधन भएको छ । पद्म विभुषणबाट सम्मानित ८३ वर्षीय बिर्जुले आइतबार राति

हेमन्त केसी, जाजरकोट जाजरकोट भूकम्पको उच्च जोखिममा रहेको छ । पूर्वाधार विकास कार्यालय जाजरकोटका प्रमुख प्रविन कार्कीले पहाडी जिल्ला जाजरकोटमा

तनहुँका सरकारी कार्यालयमा सेवा लिन अनिवार्यरुपमा कोरोनाविरुद्धको खोप लगाएको कार्ड देखाउनुपर्ने भएको छ । जिल्ला प्रशासन कार्यालयले यही माघ ७

नवदुर्गा देवगणको ङालाकेगु (माछा समाउने) जात्रा भक्तपुर नगरभित्र आइबारदेखि सुरु भएको छ । यहाँको प्रसिद्ध ऐतिहासिक तथा सांस्कृतिक महत्व बोकेको