३ माघ २०७८, सोमबार

भारतीय महिलाको बेग्लै धन्धा, नेपाली पुरुषहरू सिकार बन्दै

  प्रकाशित मिति
१४ पुष २०७८, बुधबार ०४:४१



नेपाली पुरुषहरू भारतीय महिलाबाट ब्यापक ठगीमा पर्ने गरेको नेपाल प्रहरीको तथ्याङ्कले देखाएको छ । नेपाल प्रहरीको साइबर ब्युरोमा आर्थिक वर्ष ०७७/७८ मा परेका ३ हजार ९ सय ६ उजुरीमध्ये १४ सय ७१ वटा घटना पुरुषहरूले दर्ता गरेका छन् । यी घटनामध्ये अधिकांश ठगी र केही अश्लिल सामाग्रीसँग सम्बन्धित छन् । अश्लिल सामाग्री देखाएर ठगी र ब्ल्याकमेलिङ गर्नेमा भारतीय महिलाहरू छन् भने ठगिने र हिंसामा पर्नेमा पुरुषहरू रहेका छन् ।

भारतीय महिलाले फेसबुक तथा अन्य सामाजिक सञ्जालका माध्यमबाट नेपाली पुरुषहरूसँग सम्बन्ध विस्तार गर्ने र नजिक भएपछि नाङ्गो फोटो, भिडियोहरू पठाउ भन्ने, भिडियो कल गरेको बेला संवेदनशील अङ्गहरू देखाउ भनेर आफैं फोटो तथा भिडियो खिच्ने र पछि त्यही फोटो-भिडियोमार्फत ब्ल्याकमेलिङ सुरु गर्ने गरेको पाइएको छ ।

बस्त्रविहीन फोटो तथा भिडियोहरू खिचेपछि ठूलो रकम माग गर्ने, काठमाडौंमा तिमीलाई भेट्न आउनका लागि पैसा पठाइदेउ भन्ने र भनेजति पैसा नदिएपछि सामाजिक सञ्जालमार्फत नै पत्नी, आफन्त तथा नातेदारहरू पत्ता लगाइ उनीहरूलाई अश्लिल सामाग्रीहरू पठाइदिन्छु भनी ब्याकमेलिङ गर्ने गरेका छन् ।

साइबर ब्युरोमा भेटिएका एक उजुरीकर्ताले घटना र विचारसँग कुरा गर्दै आफूलाई जिन्दगीमा ठूलो धोखा भएको, पत्नी र छोराछोरीले थाहा पाउलान् भनेर लामो समयसम्म उक्त महिलालाई पैसा पठाएको, तर ब्ल्याकमेलिङ निरन्तर भएपछि उजुरी गर्न आएको बताए । त्यसरी नेपाली पुरुष फसाउने महिलाहरूले आफ्नो फेसबुकको परिचयमा राजनीतिक दलको नाम र ठूला-ठूला मल्टीनेशनल कम्पनीहरूको नाम राख्ने गरेको थाहा भएको छ । कतिपय पुरुषहरूले विभिन्न कम्पनीमा काम गर्न पाइने उद्देश्यले सम्बन्ध अघिबढाएको बताउने गरेका छन् । भारतीय महिलाहरूलाई प्रयोग गर्ने नियतले सामाजिक सञ्जालमा सम्बन्ध राख्दा आफै नराम्ररी फस्नेको सङ्ख्या बढ्दै गएको छ । कतिपय पुरुषहरू प्रहरीमा मुद्दा दायर भए परिवारका सदस्यले थाहा पाउने ठानी मनमा त्रास पालेर बसेको पनि भेटिएका छन् ।

वैदेशिक रोजगारीका क्रममा विभिन्न देशमा रहेका कतिपय नेपाली पुरुषहरू नेपाली महिलाबाटै यस प्रकारको ठगीमा पर्ने गरेका छन् । रातभरी कुरा गर्ने, अश्लिल फोटो र भिडियोहरू खिच्ने र आफन्तहरूको फेहरिस्त पत्तालगाइ ब्ल्याकमेलिङ सुरु गर्ने गरेको पाइएको छ ।

यसैगरी साइबर क्राइममा पर्ने अधिकांश महिलाहरूले चरित्रहत्याको घटना दर्ता गरेका छन् । एक वर्षमा २ हजार ३ वटा मुद्दा महिलासँग सम्बन्धित रहेका छन् ।



प्रतिक्रिया दिनुहोस !
सम्बन्धित खबरहरु

मुलुकको प्रमुख प्रशासनिक केन्द्र सिंहदरबार कोरोना भाइरस महामारीको त्रासमा परेको छ । चार सचिवसहित सयभन्दा बढी कर्मचारीलाई कोरोनासंक्रमण भएपछि त्रास

रौतहटमा नेकपा (एमाले) स्थायी कमिटी सदस्य प्रभु साह पक्षले एकलौटी रुपमा जिल्लाको नयाँ नेतृत्व घोषणा गरेको भन्दै अर्को पक्षले विद्रोह

उत्तर कोरियाले फेरि एक अज्ञात क्षेप्यास्त्र प्रहार गरेको दक्षिण कोरियाको सेनाले दाबी गरेको छ । उत्तर कोरियाले अर्को आणविक हतियार

पूर्णप्रसाद मिश्र, काठमाडौं प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म एक महिना विधिपूर्वक गरिने स्वस्थानी व्रत एवं माघस्नान आजदेखि