१३ मंसिर २०७८, सोमबार

प्रधानमन्त्री देउवाले एमाले महाधिवेशनलाई सम्बोधन गर्ने, प्रचण्डको टुङ्गो छैन

  प्रकाशित मिति
९ मंसिर २०७८, बिहीबार ०४:४१


file photo


प्रधानमन्त्री शेरबहादुर देउवाले नेकपा (एमाले)को १०औँ महाधिवेशनलाई सम्बोधन गर्ने भएका छन् । नेपाली कांग्रेसका सभापतिसमेत रहेका देउवा शुक्रबार चितवन पुगी महाधिवेशनलाई सम्बोधन गर्ने कार्यक्रम तय भएको हो ।

प्रधानमन्त्री देउवा हेलिकोप्टरबाट शुक्रबार बिहान ११ः४५ बजे भरतपुरस्थित जुनियर प्रहरी अधिकृत शिक्षालयमा पुग्ने चितवनका प्रमुख जिल्ला अधिकारी असमान तामाङले जानकारी दिएका छन् । नारायणी नदी किनारमा हुने महाधिवेशन उद्घाटन सत्रमा सम्बोधन गरेर उनी दिउँसो १ः१५ बजे राजधानी फर्किने कार्यक्रम तय भएको बताइएको छ ।

बताइएअनुसार जनता समाजवादी पार्टीका अध्यक्ष उपेन्द्र यादव, राष्ट्रिय जनमोर्चाका अध्यक्ष चित्रबहादुर केसी, जनता समाजवादी पार्टी (लोकतान्त्रिक) का महन्थ ठाकुर वा राजेन्द्र महतो कार्यक्रममा अतिथिका रुपमा सहभागी हुँदैछन् । अन्य राजनीतिक दलका नेतासमेत पुग्ने कार्यक्रम रहेको जनाइएको छ । तर नेकपा (माओवादी केन्द्र)का अध्यक्ष प्रचण्डले एमाले महाधिवेशनमा सहभागिता जनाउने या नजनाउने अझै टुङ्गो लागि सकेको छैन ।

जानकारीअनुसार महाधिवेशनलाई सम्बोधन गर्न विदेशबाट विभिन्न दलका नेतासमेत आउँदै छन् । एमालेले अहिलेसम्मको तयारी र पाहुनाका विषयमा बिहीबारदिउँसो पत्रकार सम्मेलन गरेर जानकारी दिने जनाएको छ ।

महाधिवेशन यही मङ्सिर १० गते देखि १२ गतेसम्म हुँदैछ । महाधिवेशनको उद्घाटन सत्रमा पाँच लाख नेता कार्यकर्ता सहभागी हुने सो पार्टीले जनाएको छ ।



प्रतिक्रिया दिनुहोस !
सम्बन्धित खबरहरु

शहीद गङ्गालाल हृदयरोग केन्द्र बाँसबारीमा गरिने पीसीआर परीक्षण शुल्क अन्य सरकारी अस्पतालसरह रु एक हजार कायम गरिएको छ । सरकारी

तस्बिर : रासस नेकपा (एमाल) को अध्यक्षका लागि केपी शर्मा ओली र भीम रावलले उम्मेदवारी दर्ता गराएका छन् । एमालेको

रामदेव अहिले प्रचण्डका महान् ‘क्रान्तिकारी’ गुरु बनेका छन् । वास्तवमा यो त्यति उदेकलाग्दो कुरा होइन किनभने यी दुवैजना व्यक्तिगत फाइदाको

भीम रावलद्वारा अध्यक्षमा उम्मेदवारी दर्ता नेकपा (एमाले)को सौराहामा जारी १०औँ राष्ट्रिय महाधिवेशनअन्तर्गत गएरातिको बन्दसत्रमा पार्टी अध्यक्ष केपी शर्मा ओलीले प्रस्तावित