१३ मंसिर २०७८, सोमबार

भुइँमान्छेहरूको जिन्दगी ..!

  प्रकाशित मिति
४ मंसिर २०७८, शनिबार ०५:५८


  • देवकी तिमल्सिना


एकोहोरो झरिरहेको छ वर्षात्
नपत्याउने गरि घरी-घरी
डुबान र पहिरोमा पुरिएका छन् बस्ती
बालीनाली सबै सखाप पारेको छ
कहिल्यै नभेटिने गरी
हराएका छन् मानवहरू !
जिन्दगीका असीम आशाहरू
टुक्रिएका छन् सिसासरी
न किनार, न छाल रोकिएको छ
जमिनका धाँजा फटाउँदै कुँदेको छ
एक तमासले नदी
खै ! कुन नशामा मस्त छन् देश बनाउँछु भन्नेहरू
र, फलाकिरहेकाछन् बिनातयारीका योजना ।
सिङ्गै पहाड गर्लम्मै भत्किएर
विवेकहीन आतङ्क मच्चाइरहेछ
पूरै बस्तीका आँखाभरिका सपनाहरू
नियति बन्दै बगिरहेका छन्
कहालीलाग्दो ज्वारभाटासँगै
अनगिन्ती यादहरू छातीभरि बोकेर ।
मौसम पुर्वानुमान सुनाइएकै छ
विपत पूर्वतयारीका आश्वासनहरू
बग्रेल्ती छरिएकै छन्- आँखामा छारो हाल्दै
जो जाग्न पर्ने हो ऊ सुतिरहेकै छ
जो उठ्नपर्ने हो ऊ बसिरहेकै छ
विगत लामो समयदेखि मुकदर्शक भएर ।
बाढीले डुबिरहेको छ तराई
पहिरोले पुरिरहेको छ पहाड
टुटेफुटेका छरपस्ट सामानहरू
यत्रतत्र छरिएका छन्
कोकोहोलो गरी चिच्चाइरहेका छन्
एक हुल मान्छेहरू
गाँस, बाँस र निकास खोज्दै
अपुरणीय क्षति ब्यहोरेर
बाध्य छन् सुस्ताउन
आकाशको छतमुनि ।
भत्किएपछि जोड्न नमिल्दो रहेछ– धर्ती
रात गएपछि देखेको सपनाजस्तै
पटकपटक टुटेको जिन्दगी
जोड्न गाह्रो भएजस्तै
त्यसैले,
नदीले कटान गरेजस्तै गरि
भताभुङ्ग भएर भत्किएको छ ।



प्रतिक्रिया दिनुहोस !
सम्बन्धित खबरहरु

गण्डकी प्रदेशका मुख्यमन्त्री कृष्णचन्द्र नेपाली पोखरेल र नेपाली सेनाका प्रधानसेनापति प्रभुराम शर्माबीच आइतबार भेट भएको छ । मुख्यमन्त्री कार्यालयमै दिउँसो

झापाको कनकाई नगरपालिका–८ स्थित पूर्वपश्चिम राजमार्गको विरिङ पुलमा भएको सवारी दुर्घटनामा परी एकको मृत्यु भएको छ भने २२ जना घाइते

सुनचाँदी बजारमा आज छापावाल सुनको मूल्य प्रतितोला रु ९२ तोकिएको छ । अघिल्लो दिन प्रतितोला रु ९२ हजार १००मा कारोबार

गणेशराज वस्ती भारी बोक्ने दाइहिँड्नुहोस् रमाइ-रमाइ !उकालोमा आफ्नै कपाल समाइओह्रालोमा खुट्टा कमाइ-कमाइ !तिम्रो जिन्दगीन बन्धकी न त राजीनामा !त्यसैले त-पातिघारी