१३ मंसिर २०७८, सोमबार

दरबार त्यागेकी जापानी राजकुमारी बन्ने भइन् अमेरिकाबासी !

  प्रकाशित मिति
३० कार्तिक २०७८, मंगलवार १०:०८


  • टोकियो प्रतिनिधि

प्रेमका लागि दरबार त्यागेकी जापानकी पूर्वराजकुमारी माको कोमुरो अमेरिका प्रस्थान गरेकी छन् । सर्वसाधारण नगारिकसँग प्रेमविवाह गरेकी कोमुरो गत आइतबार बिहान पतिसँगै अमेरिका गएकी हुन् ।

आइतबार बिहान टोकियोको हानेदा विमानस्थलबाट माको र उनका पति केइ कोमुरो अमेरिका प्रस्थान गरेको जापानको सरकारी समाचारमाध्यम एनएचकेले जनाएको छ । नवविवाहित जोडी न्युयोर्कमा एक अपार्टमेन्ट भाडामा लिएर बस्ने बताइएको छ ।

पूर्वराजकुमारी माकोका पति वकिल हुन् र उनले न्युयोर्कस्थित एक ‘ल फर्म’मा काम गर्छन् । माकोले आफ्ना सर्वसाधारण प्रेमी कोमुरोसँग गत महिना विवाह गरेकी थिइन् । कोमुरोसँग विवाह गरेपछि उनको शाही ओहदा गुमेको छ ।

चार वर्षअघि कोमुरो र माकोबीच ‘इन्गेजमेन्ट’ भएको थियो । दुवैले सन् २०१८ मा बिहे गर्ने योजना बनाएका थिए, तर जनस्तरबाट विरोध र कोमुरोकी आमाको आर्थिक काण्डको समाचार बाहिरिएपछि उनीहरुको प्रेमसम्बन्ध विवाहमा परिणत हुन ढिलाइ भएको थियो ।

सर्वसाधारण व्यक्ति राजकुमारीको श्रीमान् हुन अयोग्य हुने भन्दै कतिपय जापानीले विरोध गरेका थिए । यस्तै, केही मिडिया रिपोर्टमा कोमुरोले पैसाका लागि माकोसँग प्रेमसम्बन्ध गाँसेको भन्दै उनलाई ‘गोल्ड डिगर’को रुपमा चित्रण गरेका थिए ।

गत महिना कोमुरोसँग बिहे गर्दा माकोले परम्परागत शाही विधि अपनाइनन् । त्यस्तै, राजपरिवारबाट बिदा हुँदा महिला सदस्यले पाउने नगदसमेत माकोले अस्वीकार गरिन् ।

कतिपयले माको र कोमुरोको विवाहलाई बेलायती राजकुमार ह्यारी र मेगन मर्केलबीचको विवाहसँग तुलना गर्छन् । सन् २०१७ मा राजकुमार ह्यारीसँग मर्केलको ‘इन्गेजमेन्ट’ भएपछि विवाद निम्तिएको थियो ।



प्रतिक्रिया दिनुहोस !
सम्बन्धित खबरहरु

त्रिभुवन विमानस्थाल भन्सार कार्यालयले विदेशबाट नेपाल आउने यात्रुले तोकिएको परिमाणभन्दा बढी सुन र सूनका गहना, मोबाइल फोन, ल्यापटप तथा मदिराजन्य

कोरोना भाइरसको नयाँ रुप (भेरियन्ट) ओमिक्रोन देखिएपछि नेपालमा पनि सतर्कता अपनाउन थालिएको छ । दक्षिण अफ्रिकामा देखिएको ओमिक्रोन भाइरस नेपालमा

थाइल्याण्डबाट उपचारार्थ चीन पुऱ्यााइएका नेकपा (माओवादी केन्द्र)का स्थायी समिति सदस्य वर्षमान पुनको स्वास्थ्यमा क्रमिक रुपमा सुधार देखिएको छ । गत

शहीद गङ्गालाल हृदयरोग केन्द्र बाँसबारीमा गरिने पीसीआर परीक्षण शुल्क अन्य सरकारी अस्पतालसरह रु एक हजार कायम गरिएको छ । सरकारी