बेलायतमा पछिल्ला केही हप्तायता कोभिड १९ का सङ्क्रमितहरुको संख्या बढ्दै गएका बेला आइतबार पनि एकै दिनमा ३२ हजार भन्दा बढी सङ्क्रमित थपिएका छन् । ती सङ्क्रमितहरु पछिल्लो २४ घन्टामा थपिएका सिन्ह्वाले उल्लेख गरेको छ ।
प्राप्त समाचारअनुसार आइतबार मात्र बेलायतमा ३२ हजार ४१७ जना सङ्क्रमित भेटिएका हुन् । गएको २४ घन्टायता मात्र थपिएका ती सङ्क्रमतिहरुसँगै यहाँ अहिलेसम्म सङ्क्रमित हुनेको संख्या ७६ लाख नाघेको छ । बेलायतको स्वास्थ्य अधिकारीहरुका अनुसार यहाँ हालसम्म सङ्क्रमितहरुको संख्या ७६ लाख ६४ हजार ५२० जना पुगेको छ । त्यसैगरी यहाँ यस सङ्क्रमणबाट भएको मृत्युको संख्या १ लाख ३६ हजार १६८ जनाको मृत्यु भएको छ । त्यसैगरी आइतबार मात्र यहाँ ५८ जनाको सङ्क्रमणबाट ज्यान गएको बताइएको छ ।
लन्डनमा कोभिड १९ को अवस्था समयमा सामान्यजस्तो देखिएपनि पछिल्ला दिनमा फेरि यो बढ्दै जान थालेको छ । केही समयअघि यहाँ भाइरसका सङ्क्रमितहरु घटेपछि जनजीवनलाई पनि सामान्य बनाइएको भए पनि पछिल्लो हप्ताहरुमा महामारीको सङ्क्रमण फेरि बढ्न सक्ने खतरा देखिएको छ । पछिल्ला केही दिनयता यहाँ हरेक दिन ३० हजार जना भन्दा पनि बढी सङ्क्रमित थपिने गरेका बताइएको छ ।
प्रतिक्रिया