८ कार्तिक २०७८, सोमबार

उपाधि जितेपछि भरतमणिले भने- ‘पूर्वयुवराज पारसलाई भेट्ने इच्छा छ’

  प्रकाशित मिति
३ आश्विन २०७८, आईतवार ०४:२५


  • राजन घिमिरे

कमेडी च्याम्पियन सिजन-२ को उपाधि भरतमणि पौडेलले चुमेका छन् । पछिल्लो पटक पूर्वयुवराज पारस शाहको गेटअप र हाउभाउंका साथ स्टेजमा उत्रिएपछि भरतमणिको चर्चा उत्कर्षमा पुगेको थियो ।

शनिबार मध्यरातमा जब कमेडी च्याम्पियन सिजन-२ को उपाधि भरतमणिले जितेको घोषणा गरियो, विशेषतः उनको जन्मथलो ताप्लेजुङमा खुशी र हर्षको दीप प्रज्ज्वलित गरिएको थियो । आफ्नो नाम घोषणा हुनासाथ हर्षविभोर बनेका भरतमणिले भने- ‘मलाई यो स्थानमा पुर्‍याउनुहुने सबैमा नमन गर्दछु । देश तथा विदेशमा रहेर मेरो सफलताको कामना गर्नुहुने र मेरो प्रस्तुति मन पराएर भोट गर्दै मेरो बारेमा सकारात्मक सन्देश प्रवाह गरिदिनु हुने सबैमा हार्दिक आभार प्रकट गर्दछु ।’

विजेता भरतमणिले थपे- ‘हास्य कलाकरितामा लागेर एउटा सपना पुूरा गर्ने र खास उचाइ समात्ने मेरो धोको तथा अभिलाषामा यो उपाधिले ज्यान भरेको छ ।’

कुनै समय भरतमणि पौडेलको क्षमता, दक्षता र प्रतिभा सीमिततामा गुम्सिरहेको थियो । अथाह क्षमता हुँदाहुँदै पनि यी प्रतिभाशाली कलाकार सीमितताको परिधिभित्रबाट बाहिर आउंन नसक्दा कतै यी प्रतिभा हराउने त होइनन् ? कथित कलाकर्मीहरूको भीडमा बिलय हुने त होइनन् ? उनका प्रशंसकहरूलाई यस्तै डर थियो । तर केही समययता आएर भरतमणिका प्रशंसकहरूको मनबाट यस्तो त्रास हराउन थालेको छ । पछिल्लो समय बहुचर्चित हास्य रियालिटी शो ‘कमेडी च्यान्पियन सिजन-२’ मा जोडिएपछि भरतमणि साँच्चिकै मणि जस्तै सबैको चहेताको पात्रमा परेका छन् ।

कला प्रशंसकहरूमाझ यतिबेला भरतमणिलाई पारस शाहको फोन आएको कुरा निकै भाइरल भैरहेको छ । तर, यसलाई भरतमणिले भने स्विकार गरेनन्, यसबारे स्पष्टीकरण दिँदै उनले भने- ‘मलाई उहाँको सिधा फोन आएको छैन । उहाँको नजिकका महानुभावहरूले भने राम्रो गर्नुभयो, सरकारले पनि हेरिबक्स्यो भन्नुभयो । ज्यादै खुशी लागेको छ । एक पटक पूर्वयुवराजलाई भेटेर कुरा गर्ने मन छ ।’

आज भरतमणि उनको जन्मस्थान ताप्लेजुङ र त्यसवरपर मात्र नभइ समग्र नेपाल र नेपालीहरू रहनुहुने प्रवासमा पनि चिनिन थालेका छन् । गाउँको किसानका छोरा भरतमणिले उपाधि जितेसंगै आज उनको चर्चा र शान साँच्चिकै लोभलाग्दो हुन पुगेको छ । भरत भन्छन्- ‘म बजारमा के कुराको माग र चासो बढी छ, त्यस्ता चासो र क्रेजलाई कमेडीको विषय बनाउँछु ।’

ताप्लेजुंग फुङ्लिङ नगरपालिका-७ का पौडेल महजोडी, मनोज गजुरेल र सीताराम कट्टेल ‘धुर्मुस’को औंधी फ्यान हुन् । नेपालमा हास्यकलाकारिता सुरुचिपूर्ण, दीगो र टिकाउ बनेको ठान्छन् उनी । जीवनभर हांस्यकलाकरिता विधालाई नछोड्ने र यसैमार्फत करोडौँ नेपालीको मन र दिमागमा बस्ने अठोट लिएका छन् उदीयमान कलाकार भरतमणिले ।



प्रतिक्रिया दिनुहोस !
सम्बन्धित खबरहरु

शिक्षा, विज्ञान तथा प्रविधिमन्त्री देवेन्द्र पौडेलसँग नेपालस्थित युनेस्को प्रमुख माइकल क्राफ्टले आज शिष्टाचार भेट गरेका छन् । शिक्षा, विज्ञान तथा

नासिर याह्या हुसेन नयाँ राष्ट्रिय कीर्तिमानसहित आबुधावीमा आयोजना हुने १५औँ फिना विश्व च्याम्पियनसीप २०२१ का लागि छनोट भएका छन् ।

नेपाली सेनाले देशका विभिन्न स्थानमा बाढीपहिरो गई जनजीवन प्रभावित इलाकामा जनशक्ति तथा स्रोेत साधन प्रयोग गरी खोज तथा उद्धार कार्य

केदार मगर, खोटाङ जिल्लाका घरघरमा पुगेर शान्तिको कामनासहित जोगीले फेरी लगाइहेका छन् । उनीहरुले फेरी लगाएमा घरको रक्षा हुने र