२९ भाद्र २०७८, मंगलवार

कसले गर्दैछ श्री पशुपतिनाथमा ‘क्रिश्चियन मिसनरी’ घुसपैठ गराउने षडयन्त्र ?

  प्रकाशित मिति
२८ भाद्र २०७८, सोमबार १०:३३



हरेक सचेत नेपालीलाई जानकारी भएकै कुरा हो कि केपी ओलीलाई विस्थापित गर्दै काङ्ग्रेस सभापति शेरबहादुर देउवाको नेतृत्वमा सरकार गठन गर्न ‘योगदान’ पुऱ्याएवापत माधव नेपालको यतिबेला गठबन्धनका नेता-कार्यकर्ताबीच वाह..वाह.. चलिरहेको छ । माधवलाई उनको रोज्जाका मन्त्रालय दिने, उनले सिफारिस गरेका व्यक्तिहरूलाई सरकारले भनेको ठाउँमा नियुक्ति दिने जस्ता चर्चाले राजनीतिक बजार गर्माएको छ । चर्चा मात्र होइन, सोअनुसार देउवा सरकारले काम-कारवाही पनि अघि बढाएको अनुभूति गरिँदै छ । सरकार बनेको करिव यो दुई महिना अवधिमा माधव पक्षका भनिने निकै व्यक्तिहरूले महत्वपूर्ण निकायहरूमा नियुक्ति पाएका छन् । यो क्रम जारी छ ।

यही मेसोमा माधव नेपालले विश्वभरका हिन्दूजनको आराध्यदेव श्रीपशुपतिनाथ मन्दिर सञ्चालन गर्ने स्थानमा समेत ‘क्रिस्चियन मिसनरी’सँग जोडिएका पात्रहरूलाई घुसाउन लागेको चर्चा उत्कर्षमा छ । हिन्दू धर्म-संस्कार संरक्षणको अभियानमा हिँडेका अभियन्ताहरूले विभिन्न मिडिया च्यानलमार्फत् यसको खुलासा गरेका छन् । जसरी साधु बिरालो जस्तै बनेर अढाइ-तीन दशकदेखि माधव नेपालले क्रिश्चियन मिसनरीका लागि काम गरेका रहेछन्, त्यसैगरी आवरणमा हिन्दूत्वकै कुरा गर्ने तर भित्रभित्रै पराइधर्मको सेवा गर्नेहरूलाई पशुपतिनाथ मन्दिरको रखवाला बनाउन माधवले प्रपञ्च गरेको आरोप मुलुकको धर्म-संस्कृति बचाउने अभियानमा हिँडेका अभियन्ताहरूले लगाइरहेका छन् । बताइएअनुसार पशुपतिनाथमा युनिफिकेसन चर्चमा आवद्ध व्यक्तिहरूलाई नियुक्ति दिलाउन देउवालाई माधवले दबाब दिएका छन् । यदि यो आरोपको लागि आरोप मात्र नभइ सत्य नै भने निकै संवेदनशील र खोजीनितीको विषय हो ।

कल्पना नै नगरेको अवस्थामा आज स्वार्थवश सत्ता दिलाइदिएबापत ‘गुन’ तिर्नका लागि माधव नेपालका कुत्सित इच्छाहरू पूरा गर्दै जाने हो भने प्रधानमन्त्री शेरबहादुर देउवा कहीँका रहने छैनन् । आज सचेत नेपालीले सत्ताधारीहरूको हरेक क्रियाकलाप मिहिनसँग नियालिरहेका छन् । होशियार सरकार ! कथित अग्रगमनका नाममा देशलाई पराइको पोल्टामा हाल्ने कामको मतियार नबन्नु ! आमनेपालीको कोपभाजनको शिकार बन्ने र आफ्नो लागि खाल्टो आफैले खन्ने काम नगर्नु !! बाह्य तत्वहरूको उक्साहटमा राजनीतिको नाममा नौटङ्की प्रदर्शन गर्नेहरू सबैलाई चेतना रहोस् ।

  • मनोहर सुवेदी



प्रतिक्रिया दिनुहोस !
सम्बन्धित खबरहरु

सनत आचार्य, बेल्जियम चितवन सहायता कोष (क्याट) बेल्जियमले कोष अभिवृद्धिका लागि आज (सोमबार) बेल्जियमको लुभेन शहरमा बारबेक्यु पार्टीको आयोजना गरेको

देशभर आज सामान्य बदली रही अधिकांश स्थानमा मेघ गर्जन तथा चट्याङ्गसहित हल्कादेखि मध्यम वर्षाको सम्भावना रहेको छ । जल तथा

संसदमा देखिएको गतिरोध अन्त्य गर्ने विषयमा सभामुख अग्निप्रसाद सापकोटाद्वारा आह्वान गरिएको सर्वदलीय बैठक आज अपराह्न बस्दैछ । नयाँ बानेश्वरस्थित संघीय

तत्कालीन गाउँविकास समिति परिषद्को निर्णयबिना आर्थिक अनियमितता गरेको अभियोगमा तनहुँका सात जनाविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दर्ता