मात्र १३ वर्षको उमेरमा स्केटबोर्डिङतर्फ ओलम्पिकमा स्वर्ण पदक जितेर जापानकी मोमीजी निशियाले ऐतिहासिक कीर्तिमान बनाएकी छन् । टोकियो ओलम्पिकमा स्केटबोर्डिङतर्फ स्वर्ण पदक जितेकी मोमोजी ओलम्पिक इतिहासमै सबभन्दा कम उमेरमा स्वर्ण पदक जित्ने पहिलो महिला खेलाडी बनेकी छन् । मोमीजीले ओलम्पिकमा स्वर्ण पदक जित्दा उनको उमेर १३ वर्ष ३३० दिन थियो ।
टोकियो ओलम्पिकमा महिलातर्फको स्केटबोर्डिङको स्पर्धामा मोमीजीले टिक्स सेक्सनमा १५.२६ को स्कोर गर्दै स्वर्ण पदक जितेकी हुन् । त्यस्तै ब्राजिलकी रायसा लीलले रजत र जापानकै फुना नाकायामाले काँश्य पदक जितेका छन् ।
यदि दोश्रो स्थानमा रहेकी ब्राजीलकी रायसाले स्वर्ण पदक जितेकी भए उनी विश्वकै सबैभन्दा कम उमेरमा स्वर्ण पदक जित्ने खेलाडी बन्ने थिइन् । रजत पदक जितेकी रायसाको उमेर १३ वर्ष २०३ दिन थियो । उनको उमेर मोमीजीको भन्दा १२७ दिन कम भएकोले इतिहास रच्ने सुनौलो अवसर रहे पनि अब उनको त्यो मौका गुमेको छ ।
यसअघि सन् १९३६ को बर्लिन ओलम्पिकमा ३ मिटर स्प्रिङबोर्डतर्फ अमेरिका मार्जोरी गेस्टिङले सबैभन्दा कम उमेरमा व्यक्तिगत रूपमा स्वर्ण पदक जितेर ओलम्पिकमा कीर्तिमान बनाएका थिए । त्यसबेला गेस्टिङको उमेर १३ वर्ष २६८ दिन थियो ।
टोकियो ओलम्पिकमा समावेस गरिएका चार नयाँ खेलहरूमा स्केटबोर्डिङ पनि एक थियो, जसमा जापानले अहिलेसम्म दुई वटा स्वर्ण पदक जितिसकेको छ । पुरुषतर्फको स्केटबोर्डिङमा जापानकै खेलाडी युटो होरिगोमले स्वर्ण पदक जितेका थिए ।
प्रतिक्रिया