३० भाद्र २०७८, बुधबार

अमेरिकी कम्पनी एक्जेम्प्लरसँग सगुनको रणनीतिक साझेदारी

  प्रकाशित मिति
१० श्रावण २०७८, आईतवार ०३:०९


  • रासस (लण्डन)

सोसियल इ-कमर्स कम्पनी सगुनले अमेरिकी कम्पनी एक्जेम्प्लर एलएलसीसँग हालै रणनीतिक साझेदारी गरेको छ । उक्त समाचार याहू फाइनान्स, एपी न्यूजलगायतका वित्तीय क्षेत्रका विभिन्न पत्रिकामा हालै प्रकाशित भएका छन् ।

एक्जेम्प्लर कम्पनीले जारी गरेको प्रेस विज्ञप्तिमा सो कम्पनीका प्रबन्ध निर्देशक क्याथरिन ब्राण्ड भन्नुहुन्छ, ‘प्रविधिका क्षेत्रमा विद्यमान उद्योग तथा बजारमा नयाँ परिवर्तन ल्याउनसक्ने सोचसहित काम गरिरहेका स्टार्ट अप कम्पनीहरुलाई हामी सहयोग गछौँ । सगुन एउटा प्रविधिको क्षेत्रमा उच्च सम्भावना बोकेर काम गरिरहेको कम्पनी हो भन्ने ठहर गरी रणनीतिक साझेदारी गरेका छौँ ।’

एक्जेम्प्लर कम्पनीसँगको साझेदारीका विषयमा थप प्रष्ट पार्न गरिएको अनुरोधमा सगुनका संस्थापक गोविन्द गिरी भन्नुहुन्छ, ‘भारतमा अनुसन्धान र प्रोडक्ट डिभलेपमेन्ट तथा नेपालमा प्रयोगकर्ता र व्यवसाय वृद्धिका लागि टिम तयार गरी शुरुका दिनदेखि सगुनले काम गरिरहेको छ । अमेरिकामा टिम तयार गर्ने पूर्वयोजनाअन्तर्गत सगुनलाई अन्तर्राष्ट्रिय बजारमा सहज प्रतिस्पर्धा गर्नसक्ने स्तरको प्राविधिक विकास तथा कर्पोरेट तहको व्यवस्थापनमा उच्च गुणस्तरीय योगदान गर्नसक्ने अमेरिकी कम्पनी एक्जेम्प्लरसँग साझेदारी गरिएको हो ।’

उहाँका अनुसार एक्जेम्प्लर कम्पनीसँगको साझेदारी सगुनको एउटा रणनीतिक विस्तार हो जसबाट सगुनले कानूनी सेवा, व्यवस्थापन, तेस्रो पक्षीय साझेदारीलगायत पूँजी वृद्धिका क्षेत्रहरुमा अन्तर्राष्ट्रियस्तरको सहयोग प्राप्त गर्नेछ । ‘त्यसैले एक्जेम्प्लर कम्पनीसँगको साझेदारीलाई सगुनले आफ्नो विस्तारित टिमका रूपमा लिएको छ’, उहाँले भन्नुभयो ।

एक्जेम्प्लर कम्पनीका अनुसार सगुनसँग सम्बन्धित यस कम्पनीका समूह सदस्यहरूले क्रिप्टोकरेन्सी, सामाजिक सञ्जाल, इ–कमर्सलगायतका क्षेत्रमा १५ देखि २५ वर्षसम्मको अनुभव प्राप्त गरेका छन् । उनीहरूले हार्भड युनिभर्सिटी, एल ए युनिभर्सिटी, थन्डरबर्ड युनिभर्सिटीलगायत अमेरिकाका उच्चस्तरका विश्वविद्यालयबाट उच्च तहको अध्ययन पूरा गरेका छन् । यी टीम सदस्यहरूसँग सगुन जस्तै कम्पनीहरुका लागि एक अर्ब ६० करोड अमेरिकी डलर पूँजी सङ्कलन गरेको अनुभव छ । साथै एक्जेम्प्लर कम्पनीका कार्यालयहरु सिलिकन भ्याली, न्युयोर्क, बोस्टनलगायत अमेरिकाका १० वटा मुख्य शहरमा रहेका छन् ।



प्रतिक्रिया दिनुहोस !
सम्बन्धित खबरहरु

टिकटक बनाउने क्रममा सेती नदीमा खसेर तनहुँमा एक किशोरी बेपत्ता भएकी छन् । शुक्लागण्डकी नगरपालिका–८ लालिमकी १९ वर्षीया पवित्रा लम्साल

नेपालमा मंगलबार थप १ हजार ५६२ जनामा कोरोना संक्रमण पुष्टि भएको छ । काठमाडौं उपत्यकामा मात्र पछिल्लो २४ घण्टामा थप

भारतका प्रधानमन्त्री नरेन्द्र मोदी आगामी साता अमेरिकाको भ्रमणमा निस्कने भएका छन् । भ्रमणका क्रममा प्रधानमन्त्री मोदीले अमेरिकी राष्ट्रपति जो बाइडेनसँगै

सुरेश धामी, बझाङ महेन्द्रनगरबाट छुटेको यात्रुवाहक बसमाथि गुडिरहेकै अवस्थामा ढुङ्गा खस्दा एक यात्रुको मृत्यु भएको छ भने अन्य तीन जना