१३ श्रावण २०७८, बुधबार

‘गठबन्धन’द्वारा महाभियोगको योजना !

  प्रकाशित मिति
६ श्रावण २०७८, बुधबार ०८:१५



गठबन्धन सरकारले विश्वासको मत प्राप्त गरेपछि ‘पूर्व प्रधानमन्त्रीहरूको मोर्चा’ सम्माननीय राष्ट्रपति विद्यादेवी भण्डारीविरुद्ध संसद्मा महाभियोग दर्ता गराउनेबारे परामर्शमा रहेको समाचार घटना र विचारलाई प्राप्त भएको छ ।

राष्ट्रपतिले तत्कालिक सरकारले गरेका निर्णयलाई बिलम्ब नगरिकन कार्यान्वयनमा ल्याउनुलाई गठबन्धनका नेताहरूले गम्भीर आपत्तिजनक ठानेका छन् । संविधानको धारा ६६ मा सरकारले लिएका निर्णय राष्ट्रपतिले कार्यान्वयन गर्नुपर्ने स्पष्ट व्यवस्था गरिएको छ । तर संविधानमा त्यस किसिमको व्यवस्था भए पनि राष्ट्रपतिले तत्कालिक प्रधानमन्त्री केपी शर्मा ओलीबाट भएका निर्णयहरूलाई जस्ताको त्यस्तै सदर गर्नु गम्भीर गल्ती भएको भन्ने भनाइ पूर्वप्रधानमन्त्रीय गठबन्धनको छ । गठबन्धनको अपेक्षाविपरीत कार्य गरेकोले राष्ट्रपति भण्डारीलाई महाभियोग लगाएर पदमुक्त गर्ने मानसिकता सम्बद्ध पक्षले बनाएका हुन् ।

महाभियोग प्रस्ताव पारित हुन संसद्का कम्तिमा १८१ सदस्यको समर्थन रहनुपर्ने हुन्छ । दर्ता मात्र गर्नका निम्ति पनि कम्तिमा ९२ सांसदहरूले दस्तखत गरी निवेदन दिनुपर्ने हुन्छ । प्रतिनिधिसभाका २७१ मध्ये १६५ जना सदस्यले गठबन्धन सरकारलाई विश्वासको मत दिएका छन् भने विपक्षमा ८३ मत परेको छ । महाभियोग प्रस्ताव पारित हुन आवश्यक पर्ने १८१ सदस्य सङ्ख्या पुगेपछि मात्र राष्ट्रपतिविरुद्ध महाभियोग प्रस्ताव दर्ता गरिने बुझिएको छ ।

महाभियोग प्रस्ताव दर्ता भए पनि राष्ट्रपति आफ्नो पदबाट निलम्वित नहुने भएकोले पनि दुई तिहाइ पुग्ने निश्चित भएपछि मात्र प्रस्ताव गर्ने पक्षमा गठबन्धनका नेताहरू रहेका छन् ।

स्मरणीय छ, राष्ट्रपति पदबाट विद्या भण्डारीलाई मूक्त गरेर झलनाथ खनाल, रामचन्द्र पौडेल या न्याय क्षेत्रमा रहेर उच्च सहयोग पुऱ्याउने उच्च तहका व्यक्तिलाई राष्ट्रपति बनाउने सोचमा गठबन्धनका नेताहरू रहेका बुझिएको छ । बहुराष्ट्रिय राज्यका प्रवक्ताहरूले महन्थ ठाकुरलाई राष्ट्रपति बनाएर जसपालाई आफ्नो मुठ्ठीमा पार्ने सोच बनाएको पनि समाचार सूत्रहरूले जनाएका छन् ।



प्रतिक्रिया दिनुहोस !
सम्बन्धित खबरहरु

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४३ वर्षा ऋतु राक्षसनामक संवत्सर नेपाल सं. ११४१ वि.सं. २०७८

जापानको राजधानी टोकियोमा जारी ३२औँ ग्रीष्मकालीन ओलम्पिक खेलकूदमा आयोजक जापान पदक तालिकाको शीर्ष स्थानमा उक्लेको छ । अमेरिका र चीनलाई

प्रधानमन्त्री शेरबहादुर देउवा र संयुक्त राज्य अमेरिकाका विदेशमन्त्री एन्टोनी ब्लिंकेनबीच मंगलबार टेलिफोन सम्वाद भएको छ । टेलिफोन वार्तामा नेपाल र

सनत आचार्य, बेल्जियम गैरआवासीय नेपाली संघ बेल्जियमको मत गणनाको परिणाम सार्वजनिक भएको छ । मतदानको क्रममा आन्तर्पेनमा भएको झडपपछि आइतबार