१३ श्रावण २०७८, बुधबार

कोभिड महामारीका बाबजुद ३२ करोड राजस्व संकलन

  प्रकाशित मिति
४ श्रावण २०७८, सोमबार १८:२७


  • डम्बर निदाल, डडेल्धुरा

आन्तरिक राजश्व कार्यालय डडेल्धुराले गत आर्थिक वर्षमा ३२ करोड राजस्व संकलन गरेको छ । डडेल्धुरासहित सुदुरपश्चिम प्रदेश अन्तर्गतका बैतडी, दार्चुला, बझाङ्ग, डोटी, अछाम र बाजुरा जिल्लासमेत कार्यक्षेत्र रहेको आन्तरिक राजस्व कार्यालयले गत आर्थिक वर्षको अवधिमा ३२ करोड बढी राजस्व संकलन गरेको हो । तर गत आर्थिक वर्षमा उक्त कार्यालयले लक्ष्यअनुसारको राजस्व संकलन गर्न भने सकेको छैन ।

बितेको आर्थिक वर्षमा ३८ करोड वार्षिक राजश्व संकलन गर्ने लक्ष्य लिए पनि जम्मा ३२ करोड मात्रै राजस्व संकलन भएको आन्तरिक सो कार्यालयले जनाएको जनाएको छ ।

कोरोना भाइरसको महामारीका कारण भएको निषेधाज्ञाले लक्ष्यअनुसार राजस्व संकलन गर्न नसकिएको कार्यालयले जनाएको छ । गत आर्थिक वर्षमा जम्मा ३२.०९ करोड रुपैंया राजश्व संकलन भएको आन्तरिक राजस्व कार्यालय डडेल्धुराका कर अधिकृत तिलक राज बोगटीले जानकारी दिए । उनका अनुसार प्रतिशतमा यो ८३.३ प्रतिशत हो ।

संकलन भएको राजस्वअन्तर्गत आयकरमा १२ करोड ३१ लाख, मुल्य अभिबवद्धि करमा १७ करोड ९३ लाख र अन्तःशुल्क अन्तर्गत एक करोड ८० लाख रुपैयाँ राजस्व संकलन भएको उनले बताए ।

कार्यालयले व्यक्तिगत वा एकलौटि फर्म, आयकर, पूँजिगत लाभकर, प्रालि दर्ता तथा ब्याज लाभांश, बहाल र आकस्मिक कर, पारीश्रमिकमा आधारित सामाजिक सुरक्षा कर, बस्तु बिक्री तथा वितरण, परामर्श र ठेक्का, संचार बिमा हवाइ तथा पर्यटन सेवा, मदिरा तथा सूर्तिजन्य पदार्थ बिक्रिवितरण र औद्योगिक उत्पादन, सरकारी प्रतिष्ठान तथा व्यक्तिगत पान दर्ता गरिएका फर्महरुबाट गत आर्थिक वर्षभरिमा सो राजस्व संकलन भएको स्पष्ट गरेको छ ।

डडेल्धुरामा आन्तरिक राजस्व कार्यालय खुलेपछि सुदूरपश्चिम प्रदेशको सातवटै पहाडी जिल्लाका करदातालाई कैलाली र कञ्चनपुर पुग्नुपर्ने बाध्यता हटेको मात्र नभइ सबै सेवाहरु इन्टरनेट सर्भरबाट दिन थालेपछि छिटोछरितो र चाप नहुने भएकोले समयमै काम हुन्छ र सेवाग्राही खुशी पनि भएका छन् । कार्यालयले बायोमेट्रिक प्रणालीबाट पनि सेवा दिइरहेको छ । पहाडी सबै जिल्लामा कर शिक्षासम्बन्धी कार्यक्रम समेत गरिएको र कोरोनाका कारण कर छुट पनि गरिएको कार्यालयका कर अधिकृत तिलकराज बोगटीले बताए ।

कर कार्यालयमा आउने सेवाग्राहीका लागि कार्यालयअघिल्तिर खुलेका आधा दर्जन बढी अनलाइन सर्भिस फर्महरुले सेवाग्राहीलाई सहजीकरणका साथ आवश्यक सेवासुबिधा प्रदान गरेका छन् भने आन्तरिक राजस्व कार्यालय डडेल्धुरालअन्तर्गत डोटीको दिपायल, अछाम र बाजुराका लागि साँफेबगरमा सेवा कार्यालय स्थापना भइ सेवा उपलब्ध गराइएको छ ।



प्रतिक्रिया दिनुहोस !
सम्बन्धित खबरहरु

डम्बर निदाल, डडेल्धुरा रंगुन खोलामा पुल नहुँदा स्थानीयलाई सास्ती हुने गरेको छ । डडेल्धुरा जिल्लाको भित्रीमधेश क्षेत्रको आलिताल परशुराम भएर

नेपाल राष्ट्र बैंकले सोमबार जारी गरेको एकीकृत निर्देशिकाको असर वाणिज्य बैंक तथा लघुवित्त संस्थाको शेयरमा परे पनि नेप्से परिसूचक हालसम्मकै

नेपालमा मंगलबार ३,८९९ जनामा कोरोना संक्रमण पुष्टि भएको छ । १२,६५५ पीसीआर परीक्षण गर्दा २,७२६ जना र ४,८६३ एन्टिजेन परीक्षण

अफगानिस्तानको उत्तरी प्रान्त तखारको प्रान्तीय राजधानी तालुकान शहरमा तालिबान लडाकूले गरेको आक्रमण विफल भएको छ । ती लडाकूहरु सो शहर