१३ श्रावण २०७८, बुधबार

टोकियो ओलम्पिकमा करातेसहित चार खेल ‘डेब्यू’ हुँदै

  प्रकाशित मिति
४ श्रावण २०७८, सोमबार ०९:०३



आगामी २३ जुलाई देखि जापानको टोकियो शहरमा आयोजना हुने ओलम्पिक खेलकुद प्रतियोगिता चारवटा खेलको डेब्यू हुने भएको छ । नयाँ प्रवेश गराइने ती खेलहरूमा कराते, स्केटबोर्ड, सर्फिङ्ग र स्पोर्टस् क्लाइविङ रहेका छन् ।

टोकियो ओलम्पिकमा पहिलो पटक समावेस स्केटबोर्ड र सर्फिङ्ग खेललाई सन् २०२४ मा आयोजना हुने पेरिस ओलम्पिकमा पनि समावेस गरिएको छ । स्केटबोर्डमा पार्क र स्ट्रीटलाई दुई भागमा विभाजन गरे प्रतिस्पर्धा गराइने छ । सर्फिङ्गमा पुरुष र महिला दुवै समुहमा खेलाइने छ । त्यस्तै युवाहरूमा अत्याधिक लोकप्रिय भइरहेको स्पोर्टस् क्लाइविङ खेल पनि पुरुष र महिला दुवै विधामा खेलाइने आयोजना समितिले जानकारी गराएको छ ।

कराते जापानको परम्परागत मार्शल आर्टस् खेल हो, जसको शुरुवात सन १८६८ मा जापानको ओकिनाका शहरबाट भएको थियो । करातेको जापानसँगै विश्वव्यापी रूपमा लोकप्रियता बढेपछि करातेलाई टोकियो ओलम्पिकमा समावेश गरिएको हो । ओलम्पिकमा करातेतर्फ काता र कुमुतेतर्फ प्रतिस्पर्धा हुनेछ ।

बेसबल र सप्टबल यसअधि नै ओलम्पिकमा सहभागिता भइसकेका खेल हुन् । बेसबललाई पहिलो पटक सन् १९९२ को बार्सिलोना ओलम्पिकमा समावेस गरिएको थियो । त्यसपछि सन् २००८ को बेइजिङ ओलम्पिकसम्म बेसबललाई समावेस गरिए पनि त्यसपछि यो खेललाई ओलम्पिक खेलमा समावेस गरिएको थिएन । बेसबल जापानमा अत्याधिक लोकप्रिय खेल भएकोले टोकियो ओलम्पिकमा यसलाई समावेस गरिएको हो । बेसबल पुरुषतर्फ र सफ्टबल महिलातर्फ ओलम्पिक प्रतिस्पर्धा हुनेछ ।

सन् १९९६ मा एटलान्टामा आयोजित ओलम्पिक खेलकुदमा पहिलो पटक सफ्टबलले प्रवेश पाएको थियो । यो खेललाई २००८ को वेइजिङ ओलम्पिकसम्म राखिए पनि त्यसपछि हटाइएको थियो । सफ्टबललाई टोकियो ओलम्पिकमा समावेस गरिए पनि सन् २०२४ मा आयोजना हुने पेरिस ओलम्पिकमा भने समावेस गरिएको छैन ।

साथै, टोकियो ओलम्पिकमा समावेस गरिएका बास्केटबल र साईक्लीङमा नयाँ स्पर्धा सामेल गरिएको छ । टोकियो ओलम्पिकमा यसपटक ३३९ पदक दाउमा लागेका छन् ।



प्रतिक्रिया दिनुहोस !
सम्बन्धित खबरहरु

जापानको राजधानी टोकियोमा जारी ३२औँ ग्रीष्मकालीन ओलम्पिक खेलकूदमा आयोजक जापान पदक तालिकाको शीर्ष स्थानमा उक्लेको छ । अमेरिका र चीनलाई

डम्बर निदाल, डडेल्धुरा रंगुन खोलामा पुल नहुँदा स्थानीयलाई सास्ती हुने गरेको छ । डडेल्धुरा जिल्लाको भित्रीमधेश क्षेत्रको आलिताल परशुराम भएर

नेपालमा मंगलबार ३,८९९ जनामा कोरोना संक्रमण पुष्टि भएको छ । १२,६५५ पीसीआर परीक्षण गर्दा २,७२६ जना र ४,८६३ एन्टिजेन परीक्षण

अफगानिस्तानको उत्तरी प्रान्त तखारको प्रान्तीय राजधानी तालुकान शहरमा तालिबान लडाकूले गरेको आक्रमण विफल भएको छ । ती लडाकूहरु सो शहर