१३ श्रावण २०७८, बुधबार

सिलवाल र श्रेष्ठबीच अस्वाभाविक ‘लगनगाँठो’ कसिएपछि खेलकुद तरङ्गित !

  प्रकाशित मिति
४ श्रावण २०७८, सोमबार ०७:५२


  • श्रीविक्रम भण्डारी

विपरीत ध्रुवका खेलकुद पदाधिकारीको एकापसमा अस्वाभाविक लगनगाँठो कसिएपछि अहिले खेलकुदमा सनसनी मच्चिएको छ । यस्तो सनसनी पैदा गर्ने कार्य राष्ट्रिय खेलकुद परिषदका सदस्यसचिव रमेशकुमार सिलवाल र नेपाल ओलम्पिक कमिटीका अध्यक्ष जीवनराम श्रेष्ठले गरेका हुन् ।

ओलम्पिक कमिटीको निर्वाचनमा जीवनरामलाई हराउन न्वारानदेखिको शक्ति खर्चेका सिलवाललाई उनै ओलम्पिक कमिटीका अध्यक्ष श्रेष्ठले टोकियो ओलम्पिक २०२० को ‘सेभ द मिसन’ अर्थात् टोलीनेता बनाएर जापान पुर्‍याएपछि अहिले खेलकुदमा तरङ्ग उत्पन्न भएको हो ।

एमालेको फरक राजनीतिक गुटका यी दुई पदाधिकारीबीच बाँधिएको यस अपवित्र ‘लगनगाँठो’लाई अहिले विभिन्न कोणबाट अर्थपूर्ण रूपमा हेरिएको छ । केही महिनाअघिसम्म ओलम्पिक कमिटीको निर्वाचनलाई अवैध संज्ञा दिँदै आएका सिलवालले श्रेष्ठसँग किन आत्मसमर्पण गरे त्यो अहिले खेलकुदमा बहसको विषय बनेको छ । साथै किन र के स्वार्थका कारण श्रेष्ठले यस्तो रणनीति अख्तियार गरे भन्ने पनि आफैमा गम्भीर सन्दर्भ बनेको छ ।

अकल्पनिय रूपमा सिलवाल र श्रेष्ठको अपवित्र लगनगाँठो कसिएपछि नेपाल ओलम्पिक कमिटीका महासचिव निलेन्द्रराज श्रेष्ठसँग सम्पर्क गर्दा उनले नेपाल ओलम्पिक कमिटीले कुनै व्यक्तिको नभइ सदस्यसचिव पदको सम्मान गरेर टोकियो ओलम्पिकको नेपाली टोलीको ‘सेभ द मिसन’ बनाएको तर्क गरे ।

साथै यसमा कुनै स्वार्थ नभएको प्रस्ट पार्दै महासचिव श्रेष्ठ भने- ‘हिजो के भयो त्यो इतिहास भैसकेको छ । त्यसैले अगाडिको कुरा बिर्सेर अघि बढ्नु नै खेलकुदका लागि राम्रो हुन्छ । यही कुरालाई आत्मसात गर्दै अहिले हामी नयाँ सिराबाट अगाडि बढेका छौँ, यसको प्रतिफल भविष्यमा खेलकुदमा अवश्य देखिने छ ।’

नेपाल ओलम्पिक कमिटीले कुनै पनि अन्तर्राष्ट्रिय प्रतियोगिताको ‘सेभ दि मिसन’ खेलकुदका जुनसुकै पदाधिकारीलाई पनि बनाउन सक्छ । त्यसको लागि विगतमा पनि एनओसीले स्वविवेक प्रयोग गर्दै आएको कसैबाट छिपेको छैन । यतिबेला सदस्यसचिव सिलवाललाई सेभ द मिसनको जिम्मेवारी दिनुमा महासचिव श्रेष्ठले घुमाउरो पाराले प्रस्तुत हुनु त्यहाँ विशेष ‘खिचडी पाकेको’ अनुमान लगाउन सकिन्छ । अन्यथा हिजोसम्मको ‘जानी दुस्मन’ रातारात कसरी टोकियो ओलम्पिकको सेभ द मिसन बन्यो, यसमा ठूलै रहश्य लुकेको छ भन्दा अत्युक्ति नहोला ।

प्राप्त जानकारीका अनुसार सदस्यसचिव सिलवालको विदेशमोहका कारण एनओसीले उनलाई नेपाली टोलीको टोलीनेता बनाएको बुझिएको छ । सिलवालले आफुलाई सेभ द मिसन बनाउने भए ओलम्पिक जाने इच्छा प्रकट गरेपछि एनओसीले यस्तो कदम उठाएको स्रोतको दाबी छ । यसको लागि परिषदकै एक सदस्यले विशेष भूमिका निर्वाह गरेको बताइन्छ । आखिर कुरो जे भए पनि राजिनीतिक गुटदेखि खेलकुदको गुटसम्म भिन्न-भिन्न मार्गमा हिँड्दै आएका सिलवाल र श्रेष्ठ टोकियो ओलम्पिक यात्राको लागि कसरी एकै ठाउँमा उभिए त्यो प्रश्नको घेरामा पर्नु स्वभाविकै हो ।

स्मरण रहोस्, लण्डन ओलम्पिकमा तत्कालिन राखेपका सदस्यसचिव युवराज लामालाई नेपाल ओलम्पिक कमिटीले सेभ द मिसनको जिम्मेवारी दिँदा उनले अस्वीकार गरेका थिए । लामाको त्यतिबेला एनओसीसँग कुनै दुश्मनी पनि थिएन । लामाले तत्कालिन ध्रुवबहादुर प्रधान अध्यक्ष रहेको नेपाल ओलम्पिक कमिटीलाई अन्तर्राष्ट्रिय मान्यता प्राप्त भए पनि राष्ट्रिय मान्यता प्राप्त नभएका कारण लण्डन ओलम्पिक बहिष्कार गर्दै नैतिकता प्रदर्शन गरेका थिए । तर विदेशमोहमा चुर्लुम्म डुबेका सिलवालले चाहिँ ‘दुश्मन’सँग घाँटी जोड्दै यतिबेला आफ्नो नैतिकताकै खिल्ली उडाएका छन् ।



प्रतिक्रिया दिनुहोस !
सम्बन्धित खबरहरु

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४३ वर्षा ऋतु राक्षसनामक संवत्सर नेपाल सं. ११४१ वि.सं. २०७८

जापानको राजधानी टोकियोमा जारी ३२औँ ग्रीष्मकालीन ओलम्पिक खेलकूदमा आयोजक जापान पदक तालिकाको शीर्ष स्थानमा उक्लेको छ । अमेरिका र चीनलाई

प्रधानमन्त्री शेरबहादुर देउवा र संयुक्त राज्य अमेरिकाका विदेशमन्त्री एन्टोनी ब्लिंकेनबीच मंगलबार टेलिफोन सम्वाद भएको छ । टेलिफोन वार्तामा नेपाल र

सनत आचार्य, बेल्जियम गैरआवासीय नेपाली संघ बेल्जियमको मत गणनाको परिणाम सार्वजनिक भएको छ । मतदानको क्रममा आन्तर्पेनमा भएको झडपपछि आइतबार