३० जेष्ठ २०७८, आईतवार

टोकियो ओलम्पिक हुन ५० दिन बाँकी, खेलप्रेमीको जापानमा चहलपहल सुरू

  प्रकाशित मिति
२१ जेष्ठ २०७८, शुक्रबार ०५:०४


टोकियो ओलम्पिक खेलको उद्घाटनको अब ५० दिन बाँकी रहँदा आयोजकले बिहीबार प्रतिस्पर्धामा समावेश गरिने खेलको सूची सार्वजनिक गरेको छ ।

आयोजक समितिका अध्यक्ष सेको हाशिमोतोले भलिबल प्रतियोगिताको आयोजना गर्ने यारिआके एरिनामा आयोजित अनावरण समारोहमा कोभिड–१९ का कारण जापानको राजधानी टोकियोलगायतका कतिपय सहरमा स्वास्थ्य सङ्कटकाल जारी रहे पनि ओलम्पिक खेल यथावत सञ्चालन गरिने जनाएका छन् ।

‘मलाई विश्वास छ, समारोहले यस समयमा खेलकुदको महत्व बुझ्न हामीलाई मौका दिनेछ’, हाशिमोतोले अगाडि भने– ‘हामीसँग अब ५० दिन मात्र बाँकी छ, यतिबेला समुद्र पार गरेर टोकियोमा भेला हुने खेलाडीका चाललाई मैले सुन्न वा देख्न थालेको छु ।’

‘यदि विश्वका विभिन्न देशले धेरै गम्भीर अवस्थाको अनुभव गरेका र धेरैजसो देशबाट खेलका लागि प्रतिनिधिमण्डल आउन नसकेका भए हामी ओलम्पिक गर्न असमर्थ हुने थियौँ । सहयोग र समर्थनका लागि विश्वका सबै खेलसँग सम्बन्धित खेलाडी र त्यहाँका सरकार तथा खेलकूद संस्थाप्रति टोकियो खेल आयोजक समिति आधार व्यक्त गर्न चाहन्छ’, होशिमोतोले स्थानीय एक खेलकूद् पत्रिका निक्कानसँग भनेका छन् ।

अहिलेकोभन्दा निकै प्रतिकुल समय नआएमा खेलहरू रद्द नहुने उनले जिकिर गरे ।

जापानमा कोभिड–१९ सङ्क्रमितको सङ्ख्यामा मे को अन्तिमदेखि कमी आउन थालेको छ । बिहीबार टोकियो नगर क्षेत्रका ५०६ सङ्क्रमितसहित दुई हजार ८०० व्यक्तिमा कोभिड सङ्क्रमण पुष्टि भएको बताइएको छ ।



प्रतिक्रिया दिनुहोस !
सम्बन्धित खबरहरु

रुसमा पछिल्ला केही दिनयता कोरोना भाइरसका संङ्क्रमितहरु बढ्न थालेका बताइएको छ । रुसमा शनिबार मात्रै १३ हजारभन्दा बढी कोरोना सङ्क्रमित

विश्व स्वास्थ्य संगठन र राष्ट्रसंघीय बालकोष (युनिसेफ) ले फिलिपिन्समा पोलियो उन्मुलन भएको घोषणा गरेका छन् । झण्डै दुई वर्ष पहिले

म्यान्मारमा विरोध प्रदर्शनमा उत्रिएका थप ६३८ जनालाई पक्राउ गरिएको अधिकारीहरुले जनाएका छन् । आतंकवादीसम्बन्धी ऐनअनुसार उनीहरुलाई पक्राउ गरिएको त्यहाँका सरकारी

चीनले अन्तरिक्षमा निर्माण गरेको आफ्नै नयाँ अन्तरिक्ष केन्द्रमा अन्तरिक्ष यात्रीहरु पठाउन रकेट तयार भएको जनाएको छ । यो रकेट अर्को