३० जेष्ठ २०७८, आईतवार

माटोको झुपडी सजाउ

  प्रकाशित मिति
१४ जेष्ठ २०७८, शुक्रबार ०२:४४


  • मोहनकृष्ण होमागाईं

तिम्रा पदचापहरूले बनाएको गोरेटो
जसमा टेकेर ताते–ताते गर्दै सहारा खोज्ने गर्थें
तिम्रा हस्ताक्षरहरूले बनाएको ब्यञ्जन
जसलाई चाखेर म, स्वाद र सुगन्धको परिभाषा लेख्ने गर्थें

तिम्रा शब्द आलापहरूले बनाएका स्वर-संगम
जसका श्रवण पानले मनलाई कर्णद्वारमा भेट्ने गर्थें
यो देश तेरो हो, आमा तिम्रो उपदेश हो
त जहाँ छस् छोरा, त्यो त परदेश हो !

भन्थ्यौ जननी तिमी, दुःख त सिर्फ परिवेश हो..
मेट्न यसलाई श्रमरुपी सारङ्गी यहीँ रेट्ने गर
यो जन्मभूमि तिम्रो अति सुन्दर उर्बर
सन्तति यसलाई मन-चक्षुले देख्ने गर ।

यी सुन्दर तिम्रा पङ्क्ति हाय, कर्ण-संघारमै छेक्ने गर्थे
पश्चाताप छ आमा सिमेन्ट खाएर, पैसा पिएर
सुन ओडेर, मसिनमा सुत्न सकिन्न रै’छ
त्यागेर मातृभूमि जहाँ-जहाँ जाउ भ्राता ।

गर्विलो र जीवन्त जीवन बाँचिन्न रै’छ
फर्क.. पियानो छोडेर चट्ट मुरली बजाउ
अब फलामको महल होइन, माटोको झुपडी सजाउ ।

  • काभ्रे (हाल : जर्मनी)



प्रतिक्रिया दिनुहोस !
सम्बन्धित खबरहरु

पाँचथर जिल्लाको फिदिम नगरपालिका-४ जोरसालमा एक वृद्धको धारिलो हतियार प्रहार गरी हत्या भएको छ । स्थानीयवासी ७९ वर्षीय टेकबहादुर इङ्वा

हिजोदेखि परेको वर्षाका कारण खसेको पहिरोले सिद्धार्थ राजमार्ग अवरुद्ध बनेको छ । आज बिहान साढे ६ बजेतिर स्याङ्जाको फेदिखोला गाउँपालिका-२

आरके श्रीवास्तव, रौतहट चन्द्रनिगाहपुरका एक महिलामाथि आफ्नै श्रीमानबाट एसिड आक्रमण भएको छ । रौतहटको चन्द्रपुर नगरपालिका वडा नम्बर ४ निवासी

नेकपा (एमाले) कञ्चनपुर जिल्ला कमिटीका अध्यक्ष वीरबहादुर थापाले सुदूरपश्चिम प्रदेश सरकारका भौतिक पूर्वाधार विकासमन्त्री दीर्घ सोडारीलाई कारवाही गर्न माग गरेका