१३ श्रावण २०७८, बुधबार

भ्रमणदलमा सामेल एक सदस्य मात्र कोरोनारहित !

  प्रकाशित मिति
१५ बैशाख २०७८, बुधबार ०३:४७



पूर्व श्री ५ महाराजाधिराज तथा बडामहारानी कोमल राज्यलक्ष्मीदेवीको स्वास्थ्य स्थिति सामान्य रहेको र उहाँहरू अब चाँडै नै रोगमूक्त हुने विश्वास भएको अस्पताल सूत्रले जनाएको छ । पूर्व श्री ५ हरूमा कोरोना पोजिटिव देखिएपछि केही दिन घरमै आराम गरेर थप उपचारका लागि गत साता नर्भिक अस्पतालमा भर्ना हुनुभएको थियो । राजकुमारी प्रेरणाको स्वास्थ्य स्थिति पनि सामान्य रहेको अस्पतालले जनाएको छ ।

गत चैत्रको अन्तिम साता भारतको साताब्यापी धार्मिक भ्रमणमा पूर्व श्री ५ हरूसँगै रहेकामध्ये स्वकीय सचिव सागर तिमिल्सिनाबाहेक सबैमा कोरोना पोजिटिव भएको पाइएको छ । सागर तिमिल्सिना बारम्बार पूर्व श्री ५ हरूको निकट सम्पर्क भएर पनि उहाँमा पोजिटिव देखिएको छैन । तर अर्का सचिव डा. फणिराज पाठक भने कोरोना पोजिटिव देखिएपछि आफ्नै घरमा एक्लिएर बसिरहनुभएको जानकारीमा आएको छ । भ्रमणबाट फर्किएलगत्तै आफ्नी सुपुत्रीको विवाह तयारीमा लागेका डा. पाठकले आफू कोरोना पोजिटिव भएको रिपोर्ट आएपछि वैवाहिक कार्यक्रम स्थगित गरिदिनुभएको छ । वैशाख १२ गते तय भएको विवाह समारोह अब यसै महिनाको चौथो सातामा आयोजना गरिने बुझिएको छ ।

सधैं राजारानीको निकट सम्पर्कमा रहेर पनि सागर तिमिल्सिनामा कोरोना पोजिटिव देखिएन, तर एकपटक मात्र सम्पर्कमा पुगेकी राजकुमारी प्रेरणालाई भने पोजिटिव देखिनु आश्चर्यको विषय भएको छ । वैशाख ५ गते पूर्व श्री ५ हरूको भारतबाट स्वदेश आगमन भएपछि राजकुमारी प्रेरणाले त्यस साँझको खाना निर्मल निवासमा आफ्ना मातापितासँगै बसेर खानुभएको थियो । राजकुमारी प्रेरणा भारत भ्रमणमा सामेल हुनुहुन्नथ्यो ।

भ्रमणमापूर्व बडामहारानी कोमलको परिचारिका बनेर गएका दुई ‘नानी’हरूलाई पनि कोरोना पोजिटिव भएको छ । उनीहरूको स्वास्थ्य स्थिति सामान्य रहेको अस्पताल सूत्रबाट थाहा भएको छ ।

चैतको अन्तिम साता भारत भ्रमणमा जानुअघि राजारानीसहित भ्रमण दलमा सामेल हुने सदस्यहरूको काठमाडौंमा परीक्षण गरिँदा सबैमा कोरोना ‘नेगेटिव’ देखिएको थियो भने भारतबाट वैशाख ५ गते नेपाल फर्कनुअघि वैशाख २ गते बिहीबार दिल्लीमा परीक्षण हुँदा पनि सबैमा ‘नेगेटिव’ आएको थियो । तर वैशाख ६ गते काठमाडौंमा पुनः परीक्षण गराउँदा राजारानीमा कोरोना पोजिटिव देखिएपछि उहाँहरूले आफ्नो सम्पर्कमा आएका सबै व्यक्तिलाई कोरोना परीक्षण गराउन सुझाउनुभएको थियो । त्यसरी परीक्षण गराउँदा छोरी प्रेरणा, सचिव डा. फणिराज पाठक र दुई परिचारिकामा पोजिटिव देखिएको थियो ।

file photo



प्रतिक्रिया दिनुहोस !
सम्बन्धित खबरहरु

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४३ वर्षा ऋतु राक्षसनामक संवत्सर नेपाल सं. ११४१ वि.सं. २०७८

जापानको राजधानी टोकियोमा जारी ३२औँ ग्रीष्मकालीन ओलम्पिक खेलकूदमा आयोजक जापान पदक तालिकाको शीर्ष स्थानमा उक्लेको छ । अमेरिका र चीनलाई

प्रधानमन्त्री शेरबहादुर देउवा र संयुक्त राज्य अमेरिकाका विदेशमन्त्री एन्टोनी ब्लिंकेनबीच मंगलबार टेलिफोन सम्वाद भएको छ । टेलिफोन वार्तामा नेपाल र

सनत आचार्य, बेल्जियम गैरआवासीय नेपाली संघ बेल्जियमको मत गणनाको परिणाम सार्वजनिक भएको छ । मतदानको क्रममा आन्तर्पेनमा भएको झडपपछि आइतबार