२५ बैशाख २०७८, शनिबार

आलोपालो कक्षा सञ्चालन गर्न शिक्षा मन्त्रालयको आग्रह

  प्रकाशित मिति
३ बैशाख २०७८, शुक्रबार १८:४६


विद्यालय सञ्चालनको जिम्मा स्थानीय तहलाई

शिक्षा, विज्ञान तथा प्रविधि मन्त्रालयले बढी विद्यार्थी भएका विद्यालयमा आलोपालो वा सिफ्टमा कक्षा सञ्चालन गर्न आग्रह गरेको छ ।

मन्त्रालयले तत्कालका लागि परिस्थिति असहज रहेसम्म शिक्षण संस्थाभित्र सभा, समारोह, वार्षिक उत्सवजस्ता भीडभाड हुने कुनै पनि कार्यक्रमको आयोजना नगर्न र साथै विद्यालय सञ्चालन गर्दा मन्त्रालयवाट जारी भएको विद्यालय सञ्चालनसम्वन्धी कार्यढाँचा, २०७७को अनुशरणसमेत गर्न निर्देशन दिएको छ ।

मन्त्रालयमा शुक्रबार बसेको बैठकमा शिक्षामन्त्री कृष्णगोपाल श्रेष्ठले वर्तमान विषम परिस्थितिमा सबै विद्यालय स्वास्थ्य मापदण्ड पालना गरी सञ्चालन गर्न आग्रह गरे । प्रभावित भएका विद्यालयमा जिल्ला कोभिड-१९ सङ्कट व्यवस्थापन केन्द्र (डिसिसिएम)ले निर्णय गरी विद्यालय बन्द गर्न सक्ने अधिकार रहेको भनाइ उनले राखे ।

शिक्षा सचिव रामप्रसाद थपलियाले तत्काल बिद्यालय बन्द गर्ने अधिकार स्थानीय तहलाई दिनुपर्ने जिकिर गर्दै स्वास्थ्य मापदण्डलाई कडाइका साथ पालना गर्न आग्रह गरे ।

यस्तै, विज्ञान सचिव डा. सञ्जय शर्माले अहिलेको अवस्थामा आलोपालो प्रणालीमा विद्यालय सञ्चालन गर्न सकिने उल्लेख गर्दै पछिल्लो अवस्थामा कोभिड–१९ले बालबालिका र १८ वर्षमुनिका युवालाई सङ्क्रमण देखिएकोले सबै गम्भीर हुनुपर्ने बताए ।

विद्यालय सञ्चालनको जिम्मा स्थानीय तहलाई

मन्त्रालयका प्रवक्ता दीपक शर्माले शुक्रबार एक विज्ञप्ति जारी गर्दै मन्त्रालयले कोभिड–१९ को अवस्थामा विद्यालय सञ्चालन र बन्द गर्ने निर्णय लिने अधिकार स्थानीय तहलाई दिइएको जानकारी दिए । भीडभाड नहुने गरी विद्यार्थीको सङ्ख्या एवम् संस्थाको मौजुदा पूर्वाधार एवम् संस्था रहेको स्थान विशेषको सङ्क्रमणको पछिल्लो अवस्थासमेतलाई विचार गरी स्थानीय तहसँग समन्वय गर्न भनिएको उनको भनाइ थियो ।

यस्तै, सबै विद्यालयलाई जनस्वास्थ्यसम्वन्धी मापदण्डका साथै प्रदेश सरकार र स्थानीय तहबाट तय गरिएका थप मापदण्डको पनि पालन गर्न, मास्क तथा स्यानिटाइजरको अनिवार्य प्रयोग गर्ने, साबुन पानीले हात धुने र व्यक्तिमा सङ्क्रमणको लक्षण पाइएमा तत्काल आइसोलेसनमा राखी नजिकको स्वास्थ्य संस्थामा सम्पर्क गर्ने व्यवस्थालाई प्रभावकारी बनाउन मन्त्रालयका प्रवक्ता शर्माले आग्रह गरेका छन् ।



प्रतिक्रिया दिनुहोस !
सम्बन्धित खबरहरु

राजन घिमिरे कालजयी गायक एवम् संगीतकार प्रेमध्वज प्रधानले अब घुम्तीमा नआउ भनेर आग्रह गर्नुहुने छैन, न त गोरेटोतर्फ नै भेटिनुहुनेछ

भ्रष्टाचार नियन्त्रणसम्बन्धी चीनको सर्वोच्च निकायले भड्काउ एवं सुखभोगी जीवनशैली अपनाउने चिनियाँ कम्युनिष्ट पार्टीका नेता कार्यकर्तामाथि कारबाही गरेको छ । यस

गैंडा चोरी शिकार गरेको आरोपमा चितवन राष्ट्रिय निकुञ्जले चालु आर्थिक वर्षमा २४ जनालाई पक्राउ गरेको जानकारी दिएको छ । पछिल्लोपटक

निर्दलीय पञ्चायती ब्यवस्था बिस्थापित भएर प्रजातन्त्र स्थापना भएको तीन दशकपछि निर्वाचनमा एउटा मात्र दलीय उम्मेदवार खडा भएको र उक्त उम्मेदवारका