२५ बैशाख २०७८, शनिबार

सन्तोषको ‘प्रेमगीत ३’ हिन्दी र नेपालीमा रिलिज हुने

  प्रकाशित मिति
२ बैशाख २०७८, बिहीबार ०४:४०


  • राजन घिमिरे


प्रदर्शनको तयारीमा रहेको प्रतीक्षित सिनेमा हो ‘प्रेमगीत ३’ । तर, विश्वभर फैलिएको कोरोना महामारीका कारण सिनेमा ‘पोस्टपोन्ड’ भयो । महामारीका बीच सिनेमाको प्राविधिक रूपमा पनि उत्कृष्ट बनाउने लक्ष्यसहित निर्माता तथा निर्देशक सन्तोष सेन मुम्बई पुगे ।

मुम्बईमा सम्पादनको काम गरिरहेका सेनलाई प्राविधिक काम गरिरहेको कम्पनीले ‘प्रेमगीत ३’लाई हिन्दी डबमा रिलिज गर्न सल्लाह दिए । स्टुडियो र बलिउड वितरकको सल्लाहमा निर्माता सेनले सिनेमाको हिन्दी डबको काम सकाउने तयारीमा छन् । अबको एक महिनामा सिनेमाको सम्पुर्ण काम सकिने निर्देशक सेनले बताए ।

स्व. छेतेन गुरुङसँग मिलेर निर्देशनमा समेत डेब्यु गरेका सेनले ‘प्रेम गीत ३’ हिन्दी र नेपालीमा एकसाथ रिलिज गर्ने बताएका छन् । कोरोना नआएको भए हिन्दीमा ‘प्रेमगीत ३’ डबिङ नहुने बताउँछन् निर्माता सेन । कोरोनाको समयमा सिनेमा रिलिज गर्न हतार गर्नुभन्दा पनि सिनेमालाई बलिउड बजारमा समेत लैजाने सोचेर हिन्दी भाषामा सिनेमा रिलिज गर्न लागेको उनले जानकारी दिए ।

हिन्दीमा पनि ‘प्रेमगीत ३’ रिलिज गर्ने भएपछि डविङको लागि सबै क्यारेक्टरको फिजिकल हाउभाउ अनुसारको आवाज खोज्न अलिक समय लागेको सेनले भनाइ छ । दक्षिण भारतीय सिनेमामा भ्वाइस दिएका सबै चल्तीका डबिङ आर्टिस्टहरूको छनौट गरेर डबिङको काम सकिएको सेनले बताए ।

सिनेमामा पछिल्लो समयका चर्चित अभिनेता प्रदीप खड्का, कृष्टिना गुरुङ, शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्री, समृद्धि शाही ठकुरीलगायतका कलाकारको अभिनय छ ।

आसुशेन फिल्मस् प्रोडक्सनको व्यानरमा निर्मित सिनेमामा सन्तोष सेनको लगानी छ भने छेतेन गुरुङ र मन्दीप गौतम मिलेर सिनेमा लेखेका हुन् । कल्याण सिंह र एलिश कार्कीको संगीत रहेको सिनेमामा राजेश श्रेष्ठले डिओपी, हिमाल केसीले एक्सन, कविराज गहतराजले कोरियोग्राफी, बनिश शाह र भुपेन्द्र अधिकारीको सम्पादन छ ।



प्रतिक्रिया दिनुहोस !
सम्बन्धित खबरहरु

राजन घिमिरे कालजयी गायक एवम् संगीतकार प्रेमध्वज प्रधानले अब घुम्तीमा नआउ भनेर आग्रह गर्नुहुने छैन, न त गोरेटोतर्फ नै भेटिनुहुनेछ

तुलसीपुर आइसोलेसन सेन्टरमा हेलिप्याड निर्माण गरिएको छ । जटिल प्रकृतिका कोरोना संक्रमित बिरामीको उपचारमा सहजता ल्याउन अस्वारास्थित तुलसीपुर आइसोलेसन सेन्टरमा

पूर्वी चितवनको राप्ती नगरपालिकामा बाघको आक्रमणबाट एक जना घाइते भएका छन् । जिल्ला प्रहरी कार्यालयका अनुसार घाइते हुनेमा राप्ती नगरपालिका–६

कपिलवस्तु प्रतिनिधि कोभिड(१९ को संक्रमण थप फैलिन नदिन तथा नियन्त्रण र व्यवस्थापन गर्न कपिलवस्तु जिल्लामा निषेधाज्ञा लागु गरेको आज चौथो