२५ बैशाख २०७८, शनिबार

जापानमा पनि दिनदहाडै लुटपाट !

  प्रकाशित मिति
१ बैशाख २०७८, बुधबार १७:१०


  • विशेष प्रतिनिधि, नागोया (जापान)

जापानको नागोया शहरमा बाटोमा हिँडिरहेको मानिसको अनुहारमा विषालु झोल पदार्थ छ्यापेर दिनदहाडै ३० लाख येन लुटपाट गरिएको छ ।

स्थानीय सान्केइ पत्रिकाले समाचारमा जनाएअनुसार मंगलबार दिउँसो ४ः५० बजे नागोया सहरको मिनातो वार्डमा उक्त घटना घटेको हो । मिनातो वार्डस्थित सडकमा हिँडिरहेका एक ३८ वर्षीय मानिसको अनुहारमा स्प्रे छर्केर दुई व्यक्तिहरुले उनसँग भएको नगदसहितको झोला खोसेर भागेका हुन् । ती लुटेराहरु भागेपछि, उनले मेवाइल फोनबाट प्रहरीलाई खबर गरेका थिए । तत्काल अस्पताल लगिएका उनको अनुहारमा खासै गम्भीर असर नरहेको बताइएको छ ।

पुरातात्विक तथा पुराना सामानहरुको खरिदबिक्रीसँग सम्बन्धित कम्पनीमा काम गर्ने ती पीडित व्यक्ति मंगलबार एक ग्राहकबाट आफूसँग केही विशेष सामानहरु भएको भन्दै खरिदका लागि हेर्न आउन अनुरोधसहितको मेल प्राप्त भएपछि उक्त स्थानतर्फ जाँदै थिए । त्यसैले उनले त्यति धेरै पैसा बोकेका थिए ।



प्रतिक्रिया दिनुहोस !
सम्बन्धित खबरहरु

तुलसीपुर आइसोलेसन सेन्टरमा हेलिप्याड निर्माण गरिएको छ । जटिल प्रकृतिका कोरोना संक्रमित बिरामीको उपचारमा सहजता ल्याउन अस्वारास्थित तुलसीपुर आइसोलेसन सेन्टरमा

पूर्वी चितवनको राप्ती नगरपालिकामा बाघको आक्रमणबाट एक जना घाइते भएका छन् । जिल्ला प्रहरी कार्यालयका अनुसार घाइते हुनेमा राप्ती नगरपालिका–६

कपिलवस्तु प्रतिनिधि कोभिड(१९ को संक्रमण थप फैलिन नदिन तथा नियन्त्रण र व्यवस्थापन गर्न कपिलवस्तु जिल्लामा निषेधाज्ञा लागु गरेको आज चौथो

नेपाल सरकारका उपसचिव कृष्णराज खनालको कोरोनाका कारण निधन भएको छ । कानून संकाय तर्फका कर्मचारी उनी संसद सचिवालयमा कार्यरत थिए