२५ बैशाख २०७८, शनिबार

गोकुलको चयनले एकथरीमा आतङ्क !

  प्रकाशित मिति
१ बैशाख २०७८, बुधबार ०७:२०



नेकपा एमालेका नेता एवम् सांसद गोकुलप्रसाद बास्कोटा संसद्को लेखा समितिमा चयन भएपछि एकथरी मानिसमा बेग्लै प्रकारको आतङ्क पैदा भएको छ । खासगरी कर तथा भ्याट छलेर कारोबार गर्नेहरू, सञ्चारमाध्यम खोलेर ब्ल्याकमेलिङ गरेर अर्बौं कमाइ गर्नेहरू र जसले जुनसुकै ठूलो उद्यम ब्यवसाय सञ्चालन गर्न खोजे पनि ब्ल्याकमेलिङ गरेर कम्पनीको शेयर हडप्नेहरू गोकुलको लेखा समितिमा प्रवेशपछि ज्यादा आतङ्कित भएको पाइएको छ ।

ज्ञातव्य छ, लेखा समितिले मुलुकमा भइरहेका या भइसकेका अनियमितता एवम् भ्रष्टाचारजन्य क्रियाकलापमाथि अनुसन्धान गर्ने, त्यस्ता कार्यलाई सञ्चारमाध्यममार्फत सार्वजनिक गर्ने र आवश्यक कानूनी कारबाहीका निम्ति सरकार तथा सम्वद्ध निकायलाई निर्देश गर्ने जस्ता कार्यहरू गर्दछ । गत वर्ष आफूमाथि लागेको आरोपमाथि छानविन गर्न सहज होस् भन्दै मन्त्री पदबाट राजीनामा दिएका गोकुल बास्कोटामाथि अख्तियार दुरुपयोग अनुसन्धान आयोगले छानवीन गरिरहेको छ ।

बास्कोटाले आफूमाथि मिथ्या आरोप लगाएर मानहानी गरेको भन्दै विजय मिश्र नामक व्यक्तिविरुद्ध काठमाडौं जिल्ला अदालतमा दायर गरेको मुद्दा पनि अहिलेसम्म विचाराधिन अवस्थामा छ । दुवै मुद्दाको किनारा लाग्न बाँकी भए पनि लेखा समितिमा उनको चयन कानूनी, राजनीतिक या अन्य कुनै पनि दृष्टिले टिप्पणीयोग्य मानिँदैन । तर राज्यमा लुट मच्चाएर बसिरहेका केही ब्यापारीहरूको भने गोकुलको नियुक्तिले सातो लगेको छ । उनीहरूले यो नियुक्तिलाई निकै ठूलो चर्चा र टिप्पणीको विषय बनाएका छन् ।



प्रतिक्रिया दिनुहोस !
सम्बन्धित खबरहरु

राजन घिमिरे कालजयी गायक एवम् संगीतकार प्रेमध्वज प्रधानले अब घुम्तीमा नआउ भनेर आग्रह गर्नुहुने छैन, न त गोरेटोतर्फ नै भेटिनुहुनेछ

भ्रष्टाचार नियन्त्रणसम्बन्धी चीनको सर्वोच्च निकायले भड्काउ एवं सुखभोगी जीवनशैली अपनाउने चिनियाँ कम्युनिष्ट पार्टीका नेता कार्यकर्तामाथि कारबाही गरेको छ । यस

गैंडा चोरी शिकार गरेको आरोपमा चितवन राष्ट्रिय निकुञ्जले चालु आर्थिक वर्षमा २४ जनालाई पक्राउ गरेको जानकारी दिएको छ । पछिल्लोपटक

निर्दलीय पञ्चायती ब्यवस्था बिस्थापित भएर प्रजातन्त्र स्थापना भएको तीन दशकपछि निर्वाचनमा एउटा मात्र दलीय उम्मेदवार खडा भएको र उक्त उम्मेदवारका