३ बैशाख २०७८, शुक्रबार

डा. रञ्जितले क्यान्सरलाई जितेपछि…

  प्रकाशित मिति
२१ चैत्र २०७७, शनिबार ०५:५६



कृति परिचय

प्राध्यापक डा. मुरली रञ्जितको आफ्नै अनुभव ‘क्यान्सरसँगको लडाइँ’ नामक पुस्तक प्रकाशित भएको छ । लामो समय सरकारी सेवामा रहेर काम गर्नुभएका इन्जिनियर पृष्ठभूमिका प्रा. रञ्जितलाई ६० वर्षको उमेरमा प्रोस्टेटको क्यान्सर भएको थियो । आफूलाई क्यान्सर भएको थाहा पाएपछि आत्मबल दह्रो बनाएर सकारात्मक सोचका साथ उपचार सुरु गर्नुभएका उहाँले करिब चार वर्षमा क्यान्सरलाई पराजित गर्नुभएको थियो । अहिले पुनः ब्यवसायिक जीवन सुरु गरिसक्नुभएका उहाँले आफ्नो पुस्तकमार्फत व्यक्तिगत अनुभवका साथै क्यान्सरका बारेमा विभिन्न जानकारी पनि दिनुभएको छ ।

नेसनल इन्स्टिच्युट अफ हेल्थ एण्ड इन्भारोमोन्टद्वारा प्रकाशित पुस्तकमा क्यान्सर भएछ, क्यान्सरको उपचार, आत्मविश्वासको महत्व, उपचारपछिका दिनहरू, अन्य बिरामीको अनुभव, क्यान्सर बिरामीलाई परामर्श, क्यान्सर र मृत्यु, क्यान्सर र आयु, मृत्युसँगको जम्काभेट गरी ९ वटा च्याप्टर रहेका छन् । क्यान्सर रोग लागेपछि मानिस कसरी हतोत्साही बन्छ र त्यसलाई तोड्नका लागि आत्मविश्वास जुटाउनु कति महत्वपूर्ण हुन्छ भन्ने कुरा पुस्तकमा उल्लेख छ ।

लेखक प्रा.डा रञ्जितको सुझाव छ– रोग लागेपछि आफूसँग पैसा भएन भने साथीहरूसँग सहयोग माग्न हिच्किचाउनु हुँदैन । यदि आफूसँग छ भने अचल सम्पत्तिको उपयोग गर्नु तर ऋणचाहिँ नलिनु । पुस्तकको खण्ड एकमा उहाँको आफ्नो अनुभव छ भने खण्ड दुईमा क्यान्सरबारे जानकारी दिइएको छ ।

पुस्तकमा झलक सुवेदी, डा. पंकज कुमार बर्मन, डा. महेशबहादुर अधिकारी, प्रा.डा. मुनिराज क्षेत्री, प्रा.डा केआर दाहाल र तारा आमात्यले पुस्तक र डा. मुरली रञ्जितप्रतिका आफ्ना धारणा पस्कनुभएको छ । साथै उहाँसँग विभिन्न कालखण्डमा विशेषगरी क्यान्सरको लडाइँका बेला साथ रहनुभएका इल्या भट्टराईलगायतका अनुभवहरू पनि रहेका छन् ।



प्रतिक्रिया दिनुहोस !
सम्बन्धित खबरहरु

कूल सङ्क्रमित सङ्ख्या २,८२,८९० देशभर शुक्रबार थप ९०० जनामा कोभिड-१९ को सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयकानुसार

कोभिड-१९ को बढ्दो सङ्क्रमणलाई मध्यनजर गरी राष्ट्रियसभाको दिगो विकास तथा सुशासन समितिले विद्यालयमा भौतिक उपस्थितिको सट्टा भर्चुअल माध्यमबाट पठनपाठन गराउने

जापान प्रतिनिधिबाट जापानको टोकियोस्थित शिन्जुकु वडामा बिहीबार एक कन्डमिनियम भवनको पार्किङ क्षेत्रमा फसेर चार जनाको मृत्यु भएको छ । केही

हेमशंकर सिंह, सप्तरी नेपाली कांग्रेसका केन्द्रिय सदस्य डा. शेखर कोइरालाले संसद अनिर्णयको बन्दी भएकाले सहमतिको सरकार र निर्वाचन नै वर्तमान