३ बैशाख २०७८, शुक्रबार

न्ह्यूको स्वर-संगीत र निरुको शब्दमा आयो ‘पेरिस्कानो’

  प्रकाशित मिति
२८ फाल्गुन २०७७, शुक्रबार ११:०२


युवा सर्जक निरु त्रिपाठीद्वारा लिखित ‘पेरिस्कानो’ उपन्यासको वार्षिकोत्सवमा उपन्यासमा आधारित गीत रिलिज गरिएको छ । ‘मैले पढ्ने हरेक किताबको पानामा…’ बोलको गीत उपन्यासकार निरु त्रिपाठीले लेखेकी हुन् भने यसमा स्वर र संगीत वरिष्ठ संगीतकार न्ह्यू बज्राचार्यले दिएका छन् । निरुको उपन्यास ‘पेरिस्कानो’ गत वर्ष प्रकाशित भएको थियो ।

पेरिस्कानो क्रियसनको प्रस्तुति उक्त म्यूजिक भिडियोलाई मेल्वर्न फोटो प्रोजेक्ट टिमले छायाङ्कन गरेको हो भने कँडेल कन्सल्टेन्सिले सपोर्ट गरेको छ । भिडियोको सम्पादन भने भरत रेग्मीले गरेका हुन् ।

उपन्यासमा उल्लेख भएअनुसार भिडियोमा पनि मनु र पेरिसबीचको प्रगाढ प्रेम देखाइएको छ । अष्ट्रेलियाबाट सगरमाथा आरोहीहरूलाई नेपाल लिएर गएको पेरिस २०७२ सालमा नेपालमा गएको विनासकारी भुकम्पले नाम्चेबजारमा नै अड्किन्छ । म्यूजिक भिडियो पनि त्यहीँबाट सुरु भएको छ ।

नाम्चेबाट पेरिसले मनुलाई इमेल लेख्दै छिट्टै मेल्वर्न आउने वाचा गर्छन्, तर वाचा पूरा नहुँदै सगरमाथाको नजिक केन्द्रविन्दु बनाएर आएको दोश्रो भुकम्पको झट्काले पेरिस हराउँछ । पाँच वर्ष हुँदा पनि पेरिसको केही खबर नआउँदा भिडियोमा मनु अझै शोकमा रहेको देखाइएको छ ।

मनु रातमा आफ्नो विगतलाई सम्झँदै घरको गार्डेनमा टहलिरहेकी हुन्छे । यसरी विगत र वर्तमानलाई देखाएर अन्त्यमा त्यसबखत टेलिभिजनमा प्रशारण भएको पेरिस हराएको समाचारसँगै म्यूजिक भिडियो सकिएको छ ।

भिडियोमा मनुको चरित्र स्वयंम् निरु त्रिपाठीले गरेकी छन् भने पेरिसको चरित्र मेल्वर्नका रंगमन्चका कलाकार केविन जेम्स प्रिस्टलीले निभाएका छन् ।



प्रतिक्रिया दिनुहोस !
सम्बन्धित खबरहरु

कूल सङ्क्रमित सङ्ख्या २,८२,८९० देशभर शुक्रबार थप ९०० जनामा कोभिड-१९ को सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयकानुसार

कोभिड-१९ को बढ्दो सङ्क्रमणलाई मध्यनजर गरी राष्ट्रियसभाको दिगो विकास तथा सुशासन समितिले विद्यालयमा भौतिक उपस्थितिको सट्टा भर्चुअल माध्यमबाट पठनपाठन गराउने

जापान प्रतिनिधिबाट जापानको टोकियोस्थित शिन्जुकु वडामा बिहीबार एक कन्डमिनियम भवनको पार्किङ क्षेत्रमा फसेर चार जनाको मृत्यु भएको छ । केही

हेमशंकर सिंह, सप्तरी नेपाली कांग्रेसका केन्द्रिय सदस्य डा. शेखर कोइरालाले संसद अनिर्णयको बन्दी भएकाले सहमतिको सरकार र निर्वाचन नै वर्तमान