नेपाल लोकतान्त्रिक खेलकुद संघ, बाग्मति प्रदेश समितिले आगामी चैत्र २२ गते ‘प्रथम किसुनजी राष्ट्रिय महिला तथा पुरुष खुल्ला हाप म्याराथन प्रतियोगिता २०७७’ आयोजना गर्ने भएको छ ।

नेपाली कांग्रेसका संस्थापक नेतामध्येका एक तथा पूर्वप्रधानमन्त्री कृष्णप्रसाद भट्टराईको स्मृतिमा खुल्ला हाप म्याराथन हुने लागेको बाग्मति प्रदेश संघका अध्यक्ष दीपक गुरुङले जानकारी दिए ।

प्रथम पटक आयोजना हुन लागेको यो प्रतियोगितामा विजयी महिला तथा पुरुष खेलाडीले २५-२५ हजार नगद प्राप्त गर्नेछन् । त्यस्तै, दोश्रो र तेस्रो हुने खेलाडीले क्रमसः १५-१५ र १०-१० हजार पाउने छन् भने चौथो र पाँचौँ स्थान हासिल गर्नेले ५-५ हजार प्राप्त गर्ने अध्यक्ष गुरुङले बताए ।

खुल्ला हाप म्याराथन आगामी चैत्र २२ गते शनिबार गोल्फुटार बास्केट बल कोर्टबाट शुरु भइ सोही स्थानमा फर्किएर टुङ्गिने छ । प्रतियोगिताको सञ्चालन तथा व्यवस्थापनका लागि करिव ९ लाख खर्च हुने आयोजकले जनाएको छ ।