विकास रौनियार, धादिङ

तरुण दल धादिङका युवा नेता अजय भण्डारीले बेनिघाट रोराङ गाउँपालिका वडा नम्बर–९ मा रहेका विपन्न चेपाङ परिवारलाई खाद्यान्न सहयोग गरेका छन् । गजुरी गाउँपालिका वडा नम्बर–१ स्थायी घर भएका तरुण दल नेता भण्डारीले रोराङका विपन्न परिवारलाई सहयोग गरेका हुन्।

लकडाउनपछि समस्यामा परेका धादिङको बेनिघाट रोराङ गाउँपालिका वडा नं. ९ थान्चिङका विपन्न बीस चेपाङ परिवारलाई खाद्यान्न सहयोग गरिएको हो । उनीहरुलाई प्रतिपरिवार १–१ बोराको दरले चामल हस्तान्तरण गरिएको हो । सहयोग पाएपछि चेपाङ परिवारले खुसी व्यक्त गरे ।

जिल्लामा शालिन र भद्र नेताको रुपमा परिचित युवा भण्डारीले जन्मदिनको अवसरमा केक काटेर पार्टी आयोजना गरी खर्च गर्ने संस्कारलाई मेटाउँदै समुदाय स्तरमा सहयोग गरी समाज रुपान्तरणको दियो बन्न युवा वर्गलाई आग्रह गरेका छन् ।