९ माघ २०७७, शुक्रबार

कामदार तथा मजदुरको नाममा भ्याट छलेर अर्बौंको ठगी

  प्रकाशित मिति
२६ पुष २०७७, आईतवार १६:३२



सरकारको छानबिनबाट बच्नका लागि व्यापारीले कामदार तथा मजदुरका नाममा समेत मूल्य अभिवृद्धि कर (भ्याट) नम्बर तथा बैंक खाता खोलेर ठगी गर्ने गरेका पाइएको छ । राजश्व अनुसन्धान विभागले गरेको अनुसन्धानका क्रममा त्यस्तो बदमासी देखिएको हो ।

विभागले आइतबार उच्च अदालत पाटनमा एक व्यवसायीविरुद्ध दायर गरेको मुद्दामा जोडिएका केही व्यक्ति कामदार तथा श्रमिक रहेको पाइएको छ ।

नक्कली भ्याट बिल बनाई राजश्व छली गरेको अभियोगमा विभागले न्यू सयपत्री इन्टरप्राइजेजका सञ्चालक मनिषकुमार समेत १५ जनाविरुद्ध एक अर्ब २२ करोड २० लाख १९ हजार १९ बराबरको ठगी गरेकोमा कारवाही अघि बढाएको छ ।

बताइएअनुसार न्यू सयपत्री इन्टरप्राइजेजलगायत विभिन्न १३ वटा फर्महरु कमजोर आर्थिक अवस्थाका मजदुरको नाममा दर्ता गरिएको पाइएको छ । आर्थिक हैसियत नै नभएका व्यक्तिको नाममा नक्कली फर्म दर्ता गरी राजश्व चुहावट एवं भ्याट छली गरेको खुलासा भएको हो ।

यस्तै, विभागले संकित जनरल सप्लायर्सका सञ्चालक सुवोध साहविरुद्ध पनि रु १२ करोड ७५ लाख ५१ हजार ६१४ बराबरको भ्याट छली गरेको आरोपमा मुद्दा दायर गरेको छ ।



प्रतिक्रिया दिनुहोस !
सम्बन्धित खबरहरु

श्रीलङ्काले पर्यटक र अन्तर्राष्ट्रिय आगमनको लागि आफ्ना सबै सिमानालाई बिहीबारदेखि पूर्ण रूपमा खोलेको छ । अन्तर्राष्ट्रिय पर्यटक तथा सीमा खुला

सात जनाको राखेप कार्यसमिति तीन जनामै सीमित श्रीविक्रम भण्डारी ‘राष्ट्रिय खेलकुद विकास ऐन-२०७७’ लागु भएको आठ महिना बितिसक्दा पनि राष्ट्रिय

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्री सूर्योत्तरायणे श्रीशाके १९४२ नेपाल सं. ११४१ शिशिर ऋतु प्रमादीनामक सम्वत्सर

दाहाल-नेपाल समूहद्वारा पुर्वमन्त्री बस्नेतलाई कालो झण्डा हेमशंकर सिंह, राजविराज प्रहरीकोे कडा सुरक्षाघेराभित्र नेकपाका सत्तापक्षीय युवाहरुको भेला बिहीबार राजविराजमा सम्पन्न भएको