१० माघ २०७७, शनिबार

साथ दिएकै छु

  प्रकाशित मिति
२५ पुष २०७७, शनिबार १४:०२


  • करबीर शाह

सललत्त कर्णालीजस्तै
निर्वाध बगुँ भन्ने रहर थियो
तर नियतिको खेल हेर न
मलाई बगर बनाइदियो ।
प्रारब्धको खेल त मान्न नै पर्‍यो नि
तिमी पूर्वपट्टिको बगर भयौ
म पश्चिमतर्फको बगर बन्न पुगेँ ।
बगरमा बालुवा हुन्छ
यो त जगजाहेर कुरा हो
तर किंबन्दतिनुसार
पूर्वको बगरको बालुवामा सुन मिसिएको हुन्छ रे
बिचरो पश्चिमको बालुवा त बुखलै हुन्छ रे !
सुनको आशा गर्‍यो
मिथ्या बालुवामा हत्केला डुबायो
के मिल्थ्यो र पश्चिमको बालुवाको किनारमा ?
हत्केलामा भएको आफ्नो छाला खुइल्यायो,
घर फर्कियो, घिउकुमारी नानीले
नौनी लगाइदिन्छिन् कि भनी रमायो
कहाँको नौनी पाउनु ?
कहाँको घिउकुमारी ल्याउनु ?
यो विभिन्न रसायनिक औषधी प्रयोग गरी
प्रजनन गरेको बगैँचामा
कहाँबाट विशुद्ध अर्गानिक औषधी ल्याउनु ?
यसैले तिमी र म सललत्त बग्ने
कर्णाली नदी त बन्न दिएनन्-दिएनन्
तर नदीको दुई किनारा भएर बगेका छौँ नि
के भो त तिमी पूर्वको बगर भएर
नदी बगेको साथ दिएकै छौ
म पश्चिमबाट एक बगर भइ
तिमीलाई साथ दिएकै छु ।



प्रतिक्रिया दिनुहोस !
सम्बन्धित खबरहरु

सप्तरीको बोदे बरसाइन नगरपालिकामा तीन जना सवार मोटरसाइकल दुर्घटना हुँदा आज एकको मृत्यु भएको छ । जिल्लाको बिसनपुरबाट बोदे बरसाइनतर्फ

कपिलवस्तु प्रतिनिधि उच्च शिक्षा अध्ययनमा सहजताका लागि २५ छात्रालाई साइकल बाँडिएको छ । कपिलवस्तु नगरपालिका वडा नम्बर २ ले उच्च

ज्ञानमणि भुर्तेल क्लिनिकको ढोकामा उभिएको पाले जोडले चिच्यायो– ‘नेपाली काङ्ग्रेस !!’देउवा जुरुक्क उठ्नुभो र कमजोर काङ्ग्रेसलाई हतेर्दै भित्र पस्नुभो !

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४२ शिशिर ऋतु नेपाल सं. ११४१, वि.सं. २०७७ माघ १०