१४ फाल्गुन २०७७, शुक्रबार

पत्नीको बचन काट्न नसकेपछि…!

  प्रकाशित मिति
२२ पुष २०७७, बुधबार ०५:३४



नेकपाको विभाजनपछि नेता-कार्यकर्ताहरूको ध्रुवीकृत हुने क्रम तीव्र गतिका साथ चलिरहेको छ । एउटा पक्षतिर गएकालाई आफूतिर तान्ने प्रयास पनि दुवैतर्फबाट भइरहेको छ । नाम र चुनावचिन्हको टुङ्गो लागिसकेपछि एकपटक फेरि अदलबदलको प्रक्रियाले तीव्रता लिने निश्चित छ । विभिन्न व्यक्तिहरू विभिन्न कारणले ‘यता र उता’ गर्न बाध्य भए पनि दुई नेताहरू आफ्ना पत्नीका कारण इच्छा लागेको क्याम्पमा खडा हुनबाट वञ्चित भएको पाइएको छ ।

प्राप्त जानकारीअनुसार पूर्वमन्त्री शेरबहादुर तामाङको रोजाइमा केपी ओली थिए । कदाचित पार्टी विभाजन भएमा आफू प्रचण्डलाई नेता मान्न र मदन भण्डारीको ‘जबज’ छोड्न नसक्ने जानकारी उनले कतिपय पार्टी नेता र सहकर्मीहरूलाई पनि गराएका थिए । पार्टी विभाजन भएपछि तामाङ केपी पक्षमा लागे र, पटक-पटक ओलीसँग भेटघाट पनि गरे । तर एकदिन उनी अचानक माधव नेपाल पक्षको ‘घेराबन्दी’मा परेको र घरबाट बाहिर कतै लिएर गएको भन्ने हल्ला उच्च तहमा चल्यो । वास्तवमा शेरबहादुर तामाङ आफ्नो पत्नीको दबाबमा परेका रहेछन् ।

पत्नी उषाकला राई खोटाङबाट प्रदेशसभा सदस्य छिन् र, पार्टीमा निकै राम्रो र योग्य नेतृका रूपमा उनलाई लिइन्छ । उषाकला प्रचण्ड-माधवको पक्षमा दृढतापूर्वक उभिइन् र, आफ्ना पति शेरबहादुरलाई पनि अन्ततः प्रचण्डकै पक्षमा उभिन बाध्य पारिन् । शेरबहादुर तामाङलाई मन्त्री बनाइने निश्चित भएको थियो । तामाङबाट अन्तिममा धोखा भएको महसुस गरेपछि तामाङकै निर्वाचन क्षेत्रका दावा लामा नामक व्यक्तिलाई अचानक मन्त्री बनाइएको छ ।

पत्नीका कारण आफूले इच्छाएको क्याम्प रोज्न नसक्ने अवस्थामा रहेका अर्का नेता हुन रघुवीर महासेठ । ओली सरकारमा भौतिक योजनामन्त्री बनाइएका महासेठको रोजाइ प्रचण्ड-माधव क्याम्प हो र, उनले खुलेरै प्रचण्ड पक्षको वकालत पनि गरे । यसरी रघुवीरले कित्ता स्पष्ट गरेको साता दिन नबित्दै उनकी पत्नी जुली महतो मन्त्री पदमा नियुक्त भइन् । आफ्नी श्रीमती केपी सरकारको मन्त्री बनेपछि रघुवीर निकै सकसमा परेको बुझिएको छ ।

माधव क्याम्पमा रहँदा पनि साथीहरूले शङ्का गर्ने र श्रीमती पनि खुशी नहुने स्थिति आएकोले रघुवीर अप्ठ्यारोमा परेको बताइन्छ । ब्यापारिक चरित्रका भएकोले श्रीमान्/श्रीमती दुई जना सल्लाहमै दुईतिर लाग्न सक्ने अनुमान धेरैले गरेका छन्, तथापि पत्नीको दबाब नै निर्णायक हुने विश्वास गरिएको छ ।



प्रतिक्रिया दिनुहोस !
सम्बन्धित खबरहरु

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४२ नेपाल सं. ११४१ श्रीसूर्योत्तरायणे शिशिर ऋतु प्रमादीनामक संवत्सर वि.सं.

सनत आचार्य प्रतिनिधिसभाका सांसदहरूले संसद् विघटन भएको अवधिको समेत एकमुष्ट तलब पाउने भएका छन् । प्रधानमन्त्री केपी शर्मा ओलीले गत

नेपाली कांग्रेसका पूर्वमहामन्त्री प्रकाशमान सिंहले कांग्रेस अहिले हतारिएर सरकारमा नजाने बताएका छन् । मध्यपुरथिमि नगरपालिका-३ कौशल्टारमा कांग्रेसका युवा नेता एवं

गोकर्णेश्वर नगरपालिका-१ सुन्दरीजलस्थित महाँकालको मेलम्ची खानेपानीको परीक्षणका क्रममा सुरुङभित्रको ढोका बन्द गरिएको छ । यही फागुन १० गते मेलम्ची खानेपानी