१४ फाल्गुन २०७७, शुक्रबार

पत्नी र पुत्र केपीतिर, वामदेव अझै तटस्थ !

  प्रकाशित मिति
२२ पुष २०७७, बुधबार ०४:५१



पार्टी विभाजन हुनुभन्दा अघिल्लो दिनसम्म प्रचण्ड पक्षमा उभिएर केपी ओलीको विपक्षमा लाग्नुभएका वरिष्ठ नेता वामदेव गौतम बितेका दुई सातादेखि तटस्थ रहनुभएको छ । विभाजित पार्टीलाई पुनः एकीकृत गराउन कोही तटस्थ व्यक्तिको भूमिका महत्वपूर्ण रहने भएकोले गौतमले आफूलाई तटस्थ राख्नुभएको उहाँका हितैषीहरूले जनाएका छन् ।

तर, वामदेवको तटस्थतालाई अन्य पक्षले भने अर्कै अर्थ लगाएका छन् । भनिन्छ, वामदेव गौतमले सर्वोच्च अदालतको निर्णयसम्म पर्खनुहुनेछ । अदालतले संसद् पुनर्स्थापना गर्ने विश्वासमा वामदेव अहिले पनि हुनुहुन्छ ।  पुनर्स्थापित संसदले नयाँ प्रधामन्त्री बनाउने र त्यस्तो अवस्थामा प्रचण्ड र माधव नेपाल दुवैले प्रधानमन्त्री बन्न खोज्ने, दुवैले एकअर्कोलाई अस्विकार गर्दा वैधानिक बाटो खोलेर आफूलाई प्रधानमन्त्री बनाउनुपर्ने बाध्यात्मक अवस्था पैदा हुने आशा गौतममा रहेको बताइन्छ ।

अर्का एकथरीले भने चुनाव चिन्ह ‘सूर्य’को टुङ्गो लागेपछि वामदेव गौतमको तटस्थताले विश्राम लिने ठानेका छन् । सूर्य चिन्हका निम्ति बाँकी धेरै कुरा छोड्न वामदेव तयार रहने ठानिएको छ ।

गौतम ‘तटस्थ’ रहे पनि उहाँकी पत्नी तुलसा थापा र छोरा हरिश गौतम केपीको कित्तामा उभिनुभएको छ । विघटित प्रतिनिधिसभाकी सदस्य तुलसा यतिबेला नेकपा (केपी)का केन्द्रीय सदस्य पदमा रहनुभएको छ भने छोरा हरिश बर्दिया जिल्ला समितिका सदस्यको हैसियतमा हुनुहुन्छ । तुलसा र हरिश यसरी केपीका पक्षमा उभिएकोले पनि वामदेवको तटस्थता अरु धेरै दिनसम्म नटिक्ने ठानिएको छ ।



प्रतिक्रिया दिनुहोस !
सम्बन्धित खबरहरु

■ अनन्तश्री राजगुरु जगतगुरु वीरेन्द्र परम्हंश ज्योतिषाचार्य आजको पञ्चाङ्ग श्रीशाके १९४२ नेपाल सं. ११४१ श्रीसूर्योत्तरायणे शिशिर ऋतु प्रमादीनामक संवत्सर वि.सं.

सनत आचार्य प्रतिनिधिसभाका सांसदहरूले संसद् विघटन भएको अवधिको समेत एकमुष्ट तलब पाउने भएका छन् । प्रधानमन्त्री केपी शर्मा ओलीले गत

नेपाली कांग्रेसका पूर्वमहामन्त्री प्रकाशमान सिंहले कांग्रेस अहिले हतारिएर सरकारमा नजाने बताएका छन् । मध्यपुरथिमि नगरपालिका-३ कौशल्टारमा कांग्रेसका युवा नेता एवं

गोकर्णेश्वर नगरपालिका-१ सुन्दरीजलस्थित महाँकालको मेलम्ची खानेपानीको परीक्षणका क्रममा सुरुङभित्रको ढोका बन्द गरिएको छ । यही फागुन १० गते मेलम्ची खानेपानी