३ बैशाख २०७८, शुक्रबार

‘डाक्टर्स गाउँले’मार्फत् मनिपालका विद्यार्थी गाउँ-गाउँमा

  प्रकाशित मिति
१२ पुष २०७७, आईतवार १०:२७


ग्रामीण भेगमा बसोबास गर्ने नेपालीहरूमा स्वास्थ्यसम्बन्धी सेवा प्रदान गर्न र आवश्यक जानकारी दिनका लागि मणिपालमा अध्ययनरत विद्यार्थीहरूले ‘डाक्टर्स गाउँले’ कार्यक्रम सञ्चालनमा ल्याएका छन् ।

मणिपाल शिक्षण अस्पतालमा अध्ययनरत २०१६ को ब्याचका विद्यार्थीद्वारा २०७५ सालमा संस्था स्थापना गरिएको संस्थाले हृदयाघात, मधुमेह, कोरोना, डेंगु, दाँत रोगलगायतका विभिन्न रोगको बारेमा आवश्यक सेवा दिइसकेको छ ।

संस्थाका प्रचारप्रसार संयोजक राहुल गोइतका अनुसार आगामी दिनमा महिला र जेष्ठ नागरिकहरूलाई लक्षित गरेर स्वास्थ्यसेवा र जानकारी उपलब्ध गराइने छ । रोट्र्याक्ट क्लबसँग मिलेर स्तनपानको महत्वबारे पनि सचेतना कार्यक्रम गरिसकेको उनले बताए । आफूहरूको संस्था डक्टर गाउँले र यसबाट सञ्चालन भएका कार्यक्रमबाट धेरै लाभान्वित भएको र धेरै ठाउँबाट प्रशंसा पाएको गोइतको भनाइ छ ।

स्वास्थ्यसम्बन्धी जानकारी सबैका लागि भन्ने मूल उद्देश्यका साथ सञ्चालन भएको संस्थाले विभिन्न रचनात्मक कार्य गरेको छ । संस्थामा हाल २५ जना सदस्य रहेको प्रचारप्रसार संयोजक गोइतले जानकारी दिए ।

रोग लागेर उपचार गर्नुभन्दा रोग लाग्न नदिनु नै राम्रो भन्दै उनले आफूहरूको सेवा गाउँ-गाउँका नागरिकका लागि हुने स्पष्ट पारे ।

संस्थामार्फत स्वास्थ्य-जानकारीबाट बञ्चित भएका जनतालाई स्वास्थ्यबारे जनचेतना जगाउन देशका कुना-कुनामा पुग्ने संस्थाका सदस्य विनोद अधिकारीले बताए ।

डक्टर गाउँलेले अफिसियल युटुब च्यानलमार्फत विभिन्न १६ वटा स्वास्थ्यसमबन्धी जानकारी गराएको र आगामी दिनमा थप सक्रियतापूर्वक अघि बढ्ने उनको भनाइ छ ।

सञ्चारको क्षेत्र निकै फराकिलो भएको तर यस्तो विकास स्वास्थ्य क्षेत्रमा नभएको भन्दै उनले सञ्चारकै माध्यमबाट कुना-कुनामा रहेका नागरिकलाई स्वास्थ्यसम्बन्धी जानकारी दिँदै जाने प्रष्ट पारे ।



प्रतिक्रिया दिनुहोस !
सम्बन्धित खबरहरु

कूल सङ्क्रमित सङ्ख्या २,८२,८९० देशभर शुक्रबार थप ९०० जनामा कोभिड-१९ को सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयकानुसार

कोभिड-१९ को बढ्दो सङ्क्रमणलाई मध्यनजर गरी राष्ट्रियसभाको दिगो विकास तथा सुशासन समितिले विद्यालयमा भौतिक उपस्थितिको सट्टा भर्चुअल माध्यमबाट पठनपाठन गराउने

जापान प्रतिनिधिबाट जापानको टोकियोस्थित शिन्जुकु वडामा बिहीबार एक कन्डमिनियम भवनको पार्किङ क्षेत्रमा फसेर चार जनाको मृत्यु भएको छ । केही

हेमशंकर सिंह, सप्तरी नेपाली कांग्रेसका केन्द्रिय सदस्य डा. शेखर कोइरालाले संसद अनिर्णयको बन्दी भएकाले सहमतिको सरकार र निर्वाचन नै वर्तमान