पछिल्लो २४ घण्टामा नेपालमा थप १,४७४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो यस तथ्याङ्कसँगै नेपालमा हालसम्म कोरोना संक्रमितको कुल संख्या २,३३,४५२ पुगेको छ ।
यस्तै, सोमबार काठमाडौं उपत्यकामा थप ८०९ जनामा कोरोना भाइरसको संक्रमण पुष्टि भएको छ । काठमाडौंमा ६१५, भक्तपुरमा ६९ र ललितपुरमा १२५ जना कोरोना संक्रमित थपिएका छन् ।
मन्त्रालयका अनुसार पछिल्लो २४ घण्टामा थप २९ जना कोरोनासंक्रमितको मृत्यु भएको छ । अब नेपालमा कोरोना भाइरसको संक्रमणबाट ज्यान गुमाउनेको संख्या १,५०८ पुगेको छ।
सोमबार देशभर १,९३१ जना कोरोनासंक्रमित डिस्चार्ज भएका छन् भने हाल देशभर १७ हजार ४ सय २३ जना सक्रिय संक्रमित । ५३५ जना क्वारेन्टिनमा रहेका पनि मन्त्रालयले जानकारी दिएको छ ।
प्रतिक्रिया