२ जेष्ठ २०७८, आईतवार

जापानमा हालसम्मकै धेरै कोरोनासंक्रमित पुष्टि

  प्रकाशित मिति
४ मंसिर २०७७, बिहीबार १४:०४


विशेष प्रतिनिधि, टोकियो (जापान)

नोभेम्बर १९ तारिख बिहीबार जापानमा हालसम्मकै धेरै कोरोनासंक्रमित पुष्टि भएको छ ।

बिहिबार राती ९ः३० बजेसम्मको अपडेट अनुसार जापानभरका सबै स्थानका संक्रमितहरूको संख्या जोड्दा २ हजार ३ सय ७७ जनामा कोरोना संक्रमण पुष्टि भएको हो । एकैदिन संक्रमण पुष्टि भएको यो हालसम्मकै धेरै हो । हिजो बुधबार पनि २ हजार २ सय ३ जनामा संक्रमण पुष्टि भएको थियो ।

बिहीबार टोकियोमा ५३४ जना, ओसाकामा ३३८ जना, खानागावा केनमा २०५ जना, आईची केनमा २१९ जना, होक्काइदोमा २६७ जना, चिबा केनमा १०६ जना, साइतामा केनमा १०८ जना, ह्योगो केनमा १३२ जनाको उच्च संक्रमणसहित जापानका कुल ४७ मध्ये ४१ वटा प्रान्तमा संक्रमण देखिएको छ ।

बिहीबार संक्रमित संख्यासँगै मृत्यु हुनेहरुको संख्यामा पनि वृद्धि भएको छ । जापानी संचारमाध्यमहरुमा जनाइएअनुसार होक्काइदोमा ७ जना, चिबा केनमा एक जना, साइतामा केनमा एक जना, खानागावा केनमा एक जना, फुकुओका केनमा एक जना, गुन्मा केनमा एक जना, इबाराकी केनमा एक जनासहित कुल १६ जना संक्रमितहरुको निधन भएको छ ।

जापानमा हालसम्म १ लाख २६ हजार ५ सय ४२ जनामा कोरोना संक्रमण पुष्टि भइसकेको छ । संक्रमित मध्ये १ लाख ४ हजार जनाभन्दा बढीले स्वास्थ्य लाभ लिएका छन् भने १९ सय ६३ जनाको मृत्यु भइसकेको छ ।



प्रतिक्रिया दिनुहोस !
सम्बन्धित खबरहरु

कपिलवस्तु प्रतिनिधि कपिलवस्तु नगरपालिकाले कपिलवस्तु अस्पतालमा एक करोड लागतको अक्सिजन प्लान्ट बनाउने निर्णय गरेको छ । लुम्बिनी प्रदेश सरकारसँग सहकार्य

राजन घिमिरे कोरोना संक्रमण भयावह रुपमा फैलिन थालेपछि देशभरका सरकारी तथा नीजि अस्पतालमा अक्सिजनको चर्को अभाव देखिएको छ । पहुँच

राजन घिमिरे प्रबासी जीवन त्यति सहज र सरल छैन । प्रबासमा रहँदा अधिकांशको सपना हुन्छ धन कमाउने । यो सपना

हालसम्म ७५० भन्दा बढी पत्रकार कोरोना भाइरसबाट सङ्क्रमित भएका छन् । कोरोनाकै कारण हालसम्म १३ पत्रकारको निधन भएको नेपाल पत्रकार