१८ मंसिर २०७७, बिहीबार

सर्वोच्चमा आफ्ना मान्छे घुसाउन आधि दर्जन व्यक्तिको प्रतिष्पर्धा

  प्रकाशित मिति
२६ कार्तिक २०७७, बुधबार ०३:२३



सर्वोच्च अदालतमा रिक्त दुई न्यायाधीश पदमा आफ्नो मानिसको चयन गर्न विभिन्न शक्तिकेन्द्र र व्यक्तिहरूको चलखेल शुरु भएको छ । सर्वोच्चमा गत वर्षको कात्तिकमा न्यायाधीश केदार चालिसेले र गत जेठमा डम्बरबहादुर शाहीले अवकाश प्राप्त गरेपछि दुई स्थान रिक्त हुन आएको हो । न्यायपरिषद्ले पूर्णता पाउने प्रक्रिया सम्पन्न भएपछि मङ्सिरको आखिरी या पौषको दोस्रो साताभित्र दुई न्यायाधीशहरूको चयन हुने प्रबल सम्भावना छ ।

न्यायिक निकायभित्रबाट दुवै पदपूर्ति गर्ने स्थिति भएमा उच्च अदालतका वरिष्ठतम् (क्रमाङ्कका आधारमा) न्यायाधीशहरू कुमार चुडाल र नहकुल सुवेदीलाई सर्वोच्चको न्यायाधीश बन्ने अवसर प्राप्त हुनेछ । कुमार र नहकुललाई न्यायिक क्षेत्रभित्र राम्रो र योग्य मानिसका रूपमा लिइन्छ । कुमार चुडाल अहिले पाटन उच्च अदालतमा र नहकुल सुवेदी सुर्खेत उच्च अदालतको मूख्य न्यायाधीश पदमा सरुवा गरिनुभएको छ ।


सुशीला कार्की प्रधानन्यायाधीश भएको बेलादेखि न्यायिक नियुक्तिमा सिधा राजनीतिक हस्तक्षेप शुरु भएको हो । उहाँले न्यायपरिषद्का सदस्य समेतलाई छलेर मध्येरातमा दलका प्रतिनिधि (वर्षमान) लाई बैठकमा राखी असी जना न्यायाधीश नियुक्ति गर्ने कार्य सम्पन्न गर्नु भएको थियो । त्यसैले अबका नियुक्तिहरू पनि राजनीतिक भागबण्डाको आधारमा हुन सक्ने आशङ्का छ । यतिबेला न्यायिक निकाय सुवास नेम्वाङ्ग र अग्नी खरेलको कब्जामा परेको विश्वास गरिन्छ । नेम्वाङ र खरेलको इच्छाविपरीत न्यायाधीशहरूको सरुवा, बढुवा र नियुक्तिसमेत हुने अवस्था नरहेको बताइन्छ ।


सर्वोच्चको न्यायाधीश बनाउन सुवास र अग्नीले बलबहादुर राई, टेकप्रसाद ढुंगाना र नृपध्वज निरौलामध्ये दुईलाई चाहेका छन् । अग्नी र सुवासको गिरोहका मूख्य तीनमध्ये को दुई प्राथमिकतामा पर्ने हुन् यकीन भइसकेको छैन । प्रचण्डले पदम वैदिक र दीनबन्धु पोखरेललाई बोकेका छन् भने विष्णु रिमालचाहिँ जिफण्टका कानूनी सल्लाहकार रमेश बडाललाई न्यायाधीश बनाउन चाहन्छन् । माधवकुमार नेपालको चलेमा रुद्र नेपालले सर्वोच्चको न्यायाधीश बन्ने मौका पाउने छन् भने ईश्वर पोखरेलले रमेश पोखरेललाई बोकेका छन् ।


प्रधानमन्त्रीका अवैतनिक र फास्ट ट्रयाक परियोजनाका निम्ति नेपाली सेनाको वैतनिक परामर्शदाता रहेका बाबुराम दाहाल पनि सर्वोच्चमा छिर्ने प्रयास गर्दैछन् । ठेकेदार एशोसिएसनका सल्लाहकार रहिआएका दाहाललाई सर्वोच्चको न्यायाधीश बनाउन केही ठूला ठेकेदारहरूले पहल गरिरहेका बुझिएको छ । प्रधानमन्त्रीलाई प्रभावमा पारेर दाहाललाई न्यायाधीश बनाउने योजनमा ठेकेदारहरू रहेको बताइन्छ । पूर्व प्रधानन्यायाधीश कल्याण श्रेष्ठले चाहिँ तिलप्रसाद श्रेष्ठलाई सर्वोच्चमा पुऱ्याउन चाहेका छन् ।

न्याय र न्यायिक प्रक्रिया मरेको यो स्थितिमा आफ्नो मान्छेलाई न्यायाधीश बनाउन को सफल हुने हुन् त्यसको निश्चितता नभए पनि नेकपासम्वद्ध व्यक्ति नै सर्वोच्चको न्यायाधीश बन्नेचाहिँ निश्चित छ । न्यायपरिषद्को रिक्त सदस्य पदमा अग्नी-सुवास गिरोहको इच्छाविपरीत रामप्रसाद श्रेष्ठको नाम सिफारिश भएको छ । त्यसैले न्यायाधीश नियुक्तिमा सुवास र अग्नी पूरै सफल नहुने ठानिएको छ ।



प्रतिक्रिया दिनुहोस !
सम्बन्धित खबरहरु

नेपालमा पछिल्लो २४ घण्टामा कोरोना भाइरसबाट थप १३ जनाको मृत्यु भएको छ । यससँगै नेपालमा कोरोना सङ्क्रमणबाट ज्यान गुमाउनेको सङ्ख्या

जिल्ला कारागार भरतपुरबाट कैदी फरार भएका घटनामा दुई प्रहरीलाई निलम्बन गरिएको छ । कारागार सुरक्षामा खटिएका ती प्रहरीलाई असावधानी अपनाएको

जापानले सन् २०५० सम्ममा कार्बन तटस्थताको आफ्नो लक्ष्य पूरा गर्ने उद्देश्यले आगामी पन्ध्र वर्षभित्रै पेट्रोल कारको बिक्री बन्द गर्ने योजना

अमेरिकी राष्ट्रपति डोनाल्ड ट्रम्पले नयाँ कार्याकालको लागि भएको निर्वाचन दौडमा पराजित भएपछि सन् २०२४ मा हुने निर्वाचनमा पुनः प्रतिस्पर्धामा उत्रिनसक्ने