९ मंसिर २०७७, मंगलवार

आमाको स्वरमा गीत, मोडलिङ छोरीको

  प्रकाशित मिति
१८ कार्तिक २०७७, मंगलवार १४:०६



■ राजन घिमिरे


युवा पुस्तामाझ लोकप्रिय अभिनेत्री साम्राज्ञी आरएल शाह पहिलोपटक म्यूजिक भिडियोमा देखिएकी छिन् । उनी नेहा आरएल शाहको आवाज रहेको ‘तिमी र म…’ बोलको गीतमा मोडलको रूपमा देखिएकी हुन् । साम्राज्ञीलाई यस गीतमा मोडल देवांश राणाले साथ दिएका छन् ।

गायिका नेहा आरएल शाह अभिनेत्री साम्राज्ञी आरएल शाहकी आमा हुन् । साम्राज्ञीले आफ्नी आमाले गाएको गीत भएर नभइ गीतको मर्म बुझेर र गीत राम्रो लागेर आफूले अभिनय गरेको बताएकी छिन् ।

तिमी र म बोलको गीतको भिडियो बुधबार दिउँसो च४ बजे बोधी एचडी यूटुब च्यानलबाट सार्वजनिक हुने बताइएको छ । बोधी एचडी यूटुब च्यानलका लागि रमेश एमके पौडेलको प्रस्तुतिमा निर्माण भएको यो भिडियोको निर्देशन विशेषदेव पाण्डेले गरेका हुन् । विराज गौतमले लेखेको यो गीतमा संगीत पनि गौतमकै रहेको छ ।

गायन क्षेत्रमा नेहा पहिले सक्रिय नभएता पनि अब भने सक्रिय रूपमा लाग्ने भएकी छिन् । यसअघि उनले गाएको ‘मेरो मनको सपना र फूली फूल्यो बोलको गितले प्रशंसा पाएको थियो । नेहाको आवाजमा रेकर्ड भएको र रिलिज हुन बाँकी आधा दर्जन गीतहरू क्रमशः सार्वजनिक गरिँदै जाने जानकारी नेहाले दिइन् ।

भारतीय संगीत गुरूसँग चार वर्ष शास्त्रीय संगीतको प्रशिक्षण लिएकी गायिका नेहा जीवन र जगतसँगै माया, साथ अनि जीवन संघर्षका गीत गाउन बढी मन पराउने बताउँछिन् ।



प्रतिक्रिया दिनुहोस !
सम्बन्धित खबरहरु

टेलि–प्रोगामहरूमार्फत् लोकप्रियता हासिल गर्न सफल भारतीय हास्य कलाकार भारती सिंहलाई भारतको नारकोटिक्स कन्ट्रोल ब्यूरो (एनसीबी) ले पक्राउ गरेको छ ।

■ राजन घिमिरे इन्डोनेसियन आमा तथा नेपाली बाबु विभोद डोटेलकी छोरी आइशा डोटेलले गत वर्षको माघ महिनामा अष्ट्रेलियाबाट नेपाली सांगीतिक

सनत आचार्य, बेल्जियम कोरोना कहरबीच गीतकार यशु थापाको गीति एल्बम ‘नाम’ एक कार्यक्रमका बीच बेल्जियमको राजधानी ब्रसेल्समा सार्वजनिक गरिएको छ

■ राजन घिमिरे भारतीय चलचित्र उद्योगको यात्रामा वाह गर्न लायक र सबैकी प्रिय अभिनेत्री हुन् माला सिन्हा । मालाको जन्म