१८ मंसिर २०७७, बिहीबार

अवैध रुपमा भारतीय नागरिक नेपाल प्रवेश गराउने भारती पक्राउ

  प्रकाशित मिति
१५ कार्तिक २०७७, शनिबार १६:४७



विशेष प्रतिनिधि, रुपन्देही

रुपन्देहीको बेलहिया नाकाबाट अवैध रुपमा मानिस प्रवेश गराउने एक भारतीय नागरिकलाई प्रहरीले पक्राउ गरेको छ । चाडपर्वलाई लक्षित गरी सरकारले सिमानाकाबाट हुने आवागमनलाई कात्तिक मसान्तसम्म बन्द गरेको बेला रकम लिई रुपन्देहीको बेलहिया नाकाबाट भारतीय नागरिकलाई नेपाल प्रवेश गराउने भारतीय नागरिकलाई पक्राउ गरिएको रुपन्देही प्रहरी प्रमुख प्रवीण पोख्रेलले जानकारी दिनुभयो ।

भारतसँग सिमा जोडिएको रुपन्देहीको सिद्धार्थनगरपालिका वडा नं. १ बेलहियास्थित कोटहीमाई गल्ली हुँदै भारतीय नागरिकलाई प्रवेश गराएको भन्दै भारतको उत्तरप्रदेश महाराजगज जिल्ला मदरा बस्ने वर्ष २० का अजय भारतीलाई प्रहरीले पक्राउ गरि अनुसन्धान अघि बढाइएको प्रहरी नायव उपरिक्षक तथा प्रवक्ता खड्कबहादुर खत्रीले जानकारी दिनभयो ।

प्रहरी नायव उपरिक्षक खत्रीका अनुसार भारतीले रु. एक हजार लिई भारतीय नागरिकलाई अवैध रुपमा नेपाल भित्र्याउने गरेका थिए । सिमानाकामा हुने अवैध गतिविधिलाई रोक्न प्रहरीले विशेष सुरक्षा ब्यवस्था परिचालन गरेको बताउँदै स्वास्थ्य मापदण्डविपरीत कोही पनि नेपाल भित्रिन नपाउने प्रहरी नायव उपरिक्षक खत्रीले बताउनुभयो ।

कोरोना कहरको बेला चाडपर्वलाई मध्यनजर गर्दै सरकारले देशभरिकै सिमानाका कात्तिक मसान्तसम्म बन्द गरेको छ । रुपन्देहीको बेलहिया नाका भने स्वास्थ्य मापदण्ड अपनाएर आवागमनका गतिविधि भइरहेको जिल्ला प्रशासन कार्यालय रुपन्देहीले जनाएको छ ।



प्रतिक्रिया दिनुहोस !
सम्बन्धित खबरहरु

कोरोना भाइरसबाट सङ्क्रमित भएर अमेरिकामा एकै दिनमा अहिलेसम्मकै धरैको मृत्यु भएको छ । अधिकारीहरुले दिएको जानकारीअनुसार अमेरिकामा बुधबार ३,१५७ जनाको

बोइङ ७३७ म्याक्सले सन् २०१९ मा दुई ठूला दुर्घटना व्यहोरेसँगै अवरुद्ध उडान सेवा सञ्चालनमा ल्याएको छ । अमेरिकी विमानले आफ्नो

वासुदेव पौडेल, गण्डकी पोखरा अन्तर्राष्ट्रिय ख्याति कमाएको पर्यटकीयस्थल हो । प्रकृति र संस्कृतिका अनुपम छटाले यहाँको गरिमा र महत्व बढाएको

राजन घिमिरे हिन्दीमा एउटा कहावत छ- ‘प्यार किया को डरना क्या… !’ प्यार गर्ने, घुमघाम गर्ने, हाँसो–ठट्टा गर्ने र यहाँसम्म